Toshkent shahridagi Singapur menejmentni rivojlantirish institutida ochiq eshiklar kuni o‘tkazildi
2023-yilning 20-may kuni Toshkent shahridagi Singapur menejmentni rivojlantirish instituti abituriyentlar uchun “Ochiq eshiklar kuni”ni tashkil etildi. Ushbu kunda 1100 ga yaqin maktab bitiruvchilari, kollej va litsey o‘quvchilari o‘zlarining ustozlari, oila a’zolari bilan tashrif buyurishdi.
Ochiq eshiklar kunida oliygohga tashrif buyurgan mehmonlarni maxsus ko‘ngillilar guruhi qarshi olib, TSMRIdagi ta'lim tizimi, o‘quv dasturlari, mavjud yo‘nalishlar, fanlar hamda pedagoglar bilan yaqindan tanishtirishdi.
Shuningdek, talabalar o‘qishga kirishning asosiy talab va mezonlari bilan ham batafsil tushuntirib o‘tishdi.
Ekskursiya davomida abituriyentlar institutning darsxonalari, kututbxonasi, oshxonasi, sport zal, ochiq maydon hamda suzish havzasida ham bo‘lib, u yerdagi shart-sharoitlar bilan tanishishdi.
Ma'lumot o‘rnida: Toshkent shahridagi Singapur menejmentni rivojlantirish instituti 2007-yil 5-sentabrdagi PQ-691-sonli Qaroriga ko‘ra tashkil etilgan. Ayni damda institut Buyuk Britaniyaning Bangor, Sanderlend hamda Tissayd universitetlarining o‘quv dasturlari asosida O‘zbekiston, MDH va boshqa xorijiy davlatlarning jismoniy shaxslari quyidagi yo‘nalishlarda kasbiy rivojlanish uchun keng imkoniyatlar yaratilgan.
Toshkent shahridagi Singapur menejmentni rivojlantirish institutidagi yo‘nalishlar hamda qabulga oid batafsil ma’lumotlarni quyidagi havolalar orqali orqali bilishingiz mumkin:
UMUMTA’LIM KURSI | O‘QISHNI KO‘CHIRISH | MAGISTRATURA YO‘NALISHLARI