Focus

Մայր դարձած կանանց ուղեղն ավելի երիտասարդ է, քան դեռևս չծննդաբերած կանանց ուղեղը ))

Այսպիսի հետաքրքիր եզրահանգման են եկել նորվեգացի գիտնականները, երբ ուսումնասիրել են ավելի քան 12 հազար կանանց ուղեղի սկանավորումները։

Տարբերությունը մեծ չէ, սակայն այն բավական է, որպեսզի նեյրոնային ցանցը որսա այդ տարբերությունը։

Երբ կինը գտնվում է հղիության շրջանում, վերջինիս օրգանիզմը հարմարվում է պտղի կարիքներին ու խնայում է նաև ուղեղի հաշվին։ Արդյունքում՝ ուղեղում դանդաղում է նոր նեյրոնների ձևավորման գործընթացը ու փոքրանում է ուղեղի ծավալը։ Սակայն ծննդաբերությունից հետո նեյրոգենեզը վերականգնվում է՝ ուղեղի ծավալի հետ միասին։

Ու, հնարավոր է, որ հենց այս յուրահատուկ թարմացումն է պատճառը, որ մայր դարձած կանանց ուղեղը կարողանում է ավելի երիտասարդ տեսք ունենալ։

Դառը շոկոլադն օգնում է արյան մեջ կարգավորել շաքարի քանակը ))

Իհարկե, սա կարող է մի փոքր աբսուրդ թվալ, քանի որ շոկոլադը շատերս ուղիղ կերպով ասոցացնում ենք շաքարային դիաբետի հետ, բայց հետազոտություններից մեկն այլ բան է ցույց տալիս:

40 կլինիկական փորձերից բաղկացած հետազոտությանը մասնակցել է 1300 մարդ, ովքեր պարբերաբար դառը շոկոլադ են օգտագործել։

Պարզվել է, որ կակաոյով հարուստ դառը շոկոլադի ( 65 տոկոս ) չափավոր օգտագործումը բարձրացնում է ինսուլինի հանդեպ զգայունակությունը, որի հետևանքով ընկնում է շաքարային դիաբետով հիվանդանալու ռիսկը։

Բանն այն է, որ շաքարից սինթեզված գլյուկոզը կարողանում է դուրս գալ արյան միջից ու ինսուլինի շնորհիվ մտնել բջիջներ։

Ուղեղն ու ուտելիքը

« Հետազոտությունները ցույց են տվել, որ առողջության ապահովման բազմաթիվ ճանապարհներ և ուղեղի օպտիմալ աշխատանքը, որոնք դրված են մեր ներսում գենետիկ մակարդակով, ակտիվանում են օգտագործվող կալորիաների նվազեցման կամ քաղցածության գործընթացի արդյունքում՝ թեկուզ կարճ ժամանակով։

Սա հակասում է այն դասական պատկերացմանը, որ սննդից հրաժարումը դանդաղեցնում է նյութափոխանակությունը և ստիպում է օրգանիզմին ամբողջ ուժով կառչել ճարպից, գտնվելով, այսպես ասած, քաղցի ռեժիմում։

Ընդհակառակը․ քաղցած մնալը օրգանիզմին առավելություններ է տալիս, որոնք կարող են արագացնել կամ օպտիմիզացնել նիհարելու գործընթացը։ Կարիք չկա արդեն խոսելու ուղեղի առողջության ամրապնդման մասին »։

Հեղինակներ՝ բժիշկներ Դևիդ Պերլմուտեր և Քրիստին Լոբերգ

159 տարեկան նյարդային բջիջը․․․Սա ամբողջական նեյրոնի առաջին նկարն է ))

Այս պատկերը նկարվել է երիտասարդ գերմանացի անատոմ Օտտո Դեյթերսի կողմից՝ 1860 թվականին, երբ վերջինս ընդամենը 26 տարեկան էր ))

Իհարկե, ոչ մի արտասովոր բան չէր լինի այս ամենում, եթե այն չլիներ դասական նեյրոնի աշխարհում առաջին ամբողջական նկարագրությունը, որը ներառում է նաև դրանից դուրս եկող աքսոններ և դենդրիտներ ( նյարդային ելուստներ ) ))

Նշենք նաև, որ հանճարեղ անատոմը մահացել է երիտասարդ տարիքում՝ 29 տարեկանում՝ տիֆից, բայց այդ ընթացքում հասցրել է լուրջ ժառանգություն թողնել ապագա նեյրոանատոմների համար ))

« Հաճախ գործողությունները որոշվում են ոչ այնքան նրանով, թե ինչ են դրանք իրենցից ներկայացնում, այլ այն բանով, թե ինչ իրավիճակում են դրանք արվում »։

Հեղինակ՝ Սոցիալական հոգեբան Սթենլի Միլգրեմ

Հ․Գ․ Այս փաստը շատ կարևոր է հաշվի առնել, երբ վերլուծում ենք ինչ-որ մեկի կամ հենց մեր գործողությունները։

Ու սա ավելի շատ կարևոր է ոչ թե այն առումով, որ սխալ եզրահանգման չգանք գործողությունը վերլուծելիս, այլ այն առումով, որ այդ սխալ վերլուծությունն ու եզրահանգումն իրենց հետ չբերեն անցանկալի հետևանքներ։

Քնային հիվանդությունը ( քնախտը ) ուղեղում․․․

Լուսանկարում, որը ստացվել է 1903 թվականին, ցուցադրված է քնախտ հիվանդությունից ( հայտնի է նաև աֆրիկական տրիպանոսոմոզ անվանմամբ ) մահացած մարդու ուղեղը։

Հիվանդության առաջացման հիմնական մեղավորը ցեցե կոչվող ճանճն է, որը կծելով մարդուն է փոխանցում Trypanosoma brucei մակաբույծին։ Վերջինս հիվանդության երկրորդ փուլում հաղթահարում է արյուն-ուղեղային պատնեշը ու արյունատար անոթներից անցնում է կենտրոնական նյարդային համակարգ, որտեղ սկսում է իր քայքայիչ գործունեությունը։

Ուղեղ անցնելուց հետո մարդու մոտ սկսում են ի հայտ գալ վարքագծի փոփոխություններ, գիտակցության ու զգայական խանգարումներ, ինչպես նաև հավասարակշռության խախտումներ։

Հիվանդության վերջին փուլին բնորոշ է ուղեղի վերնամասում գտնվող ծալքերով հատվածի վնասումը, որի զոհն է դարձել նաև նկարում պատկերված ուղեղը։

《Ցավոք սրտի, շատերի մոտ այլասերված հակում կա։ Եթե նրանք ինչ֊որ բան են անում, ու դա չի աշխատում, որպես օրենք շարունակում են դա անել ավելի բարձր, ուժեղ, երկար ու հաճախ։

Երբ երեխան չի հասկանում, ծնողը սովորաբար գոռալով կրկնում է նույն նախադասությունը, փոխանակ ընտրի բառերի նոր խումբ։ Եվ, եթե պատիժը փոփոխություն չի մտցնում ինչ֊որ վարքագծի մեջ, ապա սովորաբար հետևություն է արվում, որ դա բավարար չէր, այդ պատճառով պետք է ավելի խիստ պատժել։

Ես միշտ մտածել եմ, որ եթե որևէ բան չի աշխատում, ապա դա կարող է նշանակել, որ պետք է գործել այլ կերպ, անել մեկ այլ բան》։

Հեղինակ՝ հոգեբան, նեյրոլինգվիստիկ ծրագրավորման համահեղինակ Ռիչարդ Բենդլեր։