НВК САХА

🤩👏«Ситиһиигэ кынаттаа!»: СӨ үп-харчы миниистирин э.т. уонна ЯФЕК дириэктэрэ «Муус Устар» кыттааччыларын көрүстүлэр

«Муус Устар» ыччат бэстибээлин чэрчитинэн «Вдохновляй на успех!» хайысхаҕа СӨ үп-харчы миниистирин эбээһинэһин толорооччу Иван Алексеев уонна И.И. Фадеев аатынан Дьокуускайдааҕы финансовай-экономическай колледж дириэктэрэ Анастасия Соломонова кыттааччылары кытта көрүстүлэр.

Көрсүһүү кэмигэр «настаабынньыктааһын» уопсастыбаҕа хайдах уларытыыны киллэрэрин уонна бүгүҥҥү күҥҥэ ыччакка туох өйөбүлү оҥоруохха сөбүн туһунан кэпсэттилэр.

Кэпсэтии кэмигэр настаабынньыктааһын сокуонун, араас кыһалҕалары уонна ону хайдах быһаарыахха сөбүн туһунан сэһэргэстилэр. Эдэр настаабынньыктар үлэлэригэр туох уустуктар баалларын сырдаттылар. Кыттааччылар этэллэринэн, маннык көрсүһүүлэр баар боппуруостарга хоруйдары буларга көмөлөһөллөрүн таһынан улахан дьыалаҕа кыттыгастаах буоларга тоҕоостоохтор.

«Вдохновляй на успех!» куонкурус иитинэн көрсүһүүнү Ил Түмэн иһинэн үлэлиир Ыччат парламена СӨ Ыччат кадровай киинин кытта тэҥҥэ тэрийдэ.

Сиһилии:
https://nvk-online.ru/new/siti-iige-kynattaa-s-p-harchy-miniistirin-e-t-uonna-yafek-diriektere-muus-ustar-kyttaachchylaryn-k-r-st-ler/

@nvk_sakha

⚡️Саха сиригэр тохсус атыы-эргиэн логистическай киинэ арылынна

Бэҕэһээ Муома улууһун Хонуу бөһүөлэгэр үөрүүлээх түгэн тосхойдо - өрөспүүбүлүкэ үрдүнэн тохсус атыы-эргиэн логистическай киинэ үлэтин саҕалаата.

«Хотугу улуустар атыы-эргиэн логистическай кииннэрэ олус туһалааҕын бэлиэтииллэр. Бу түгэни Муома улууһун дьоно-сэргэтэ өр күүппүтэ. Билигин тыын суолталаах бородууктаны чэпчэки сыанаҕа атыылаһыахха сөп буолар», - диэн Ил Дархан Айсен Николаев эттэ.

Киин иһигэр олохтоох төгүрүк сыл устата хаачыстыбалаах табаардары атыылаһалларын туһугар оҕуруот аһын харайар сир, сылаас уонна тымныы ыскылааттар, атыы-эргиэн саалата бааллар.

Бу сыл бүтүөр диэри Эбээн Бытантай, Өлөөн, Аллайыаха улуустарыгар үс саҥа киин арыллара былааннанар.

@nvk_sakha

✅Муома балыыһатыгар Иван Павлов аатын иҥэрдилэр

Айсен Николаев Арктика күнүн Муома улууһун олохтоохторун кытта көрүстэ. Ил Дархан бэлиэ тэрээһиҥҥэ кытынна. Былырыын арыллыбыт балыыһа комплексыгар Иван Петрович Павлов аатын иҥэрдилэр.

2019 сылга Айсен Сергеевич Муома улууһугар үлэ сырыытынан кэлэ сылдьан Иван Петровичы кытта кэпсэппит. Кини ол кэмҥэ саҥа балыыһа улахан, аныгы, үрдүк хаачыстыбалаах оборудованиелардаах буолуохтааҕын эппит, улуус дьонугар-сэргэтигэр наадалаах эбийиэк буоларыгар эрэллээх сылдьыбыт. Билигин балыыһа толору кыаҕынан үлэлиир - Иван Петрович, Муома улууһун олохтоохторун баҕа санаалара туолан турар. Дьон-сэргэ улуустан ыраах айаннаабакка эрэ медицинскэй көмөнү ылаллар.

Иван Петрович оройуонун уонна дьонун-сэргэтин олоҕун тупсарарга болҕомтотун уурара. Үс сыл устата оройуон баһылыгын дуоһунаһыгар үлэлии сылдьан экономиканы, инфраструктураны, спорду, култуураны сайыннарбыт, сытыы боппуруостары быһаарбыт.

Уустук кэмнэргэ, пандемия уонна ойуур баһаардарын кэмнэригэр Иван Петрович быһаарыылаахтык уонна эппиэтинэстээхтик ылсыбыта. Хомойуох иһин, кини олохтон эрдэ туораабыта, ол эрээри кини улуус дьонугар-сэргэтигэр сүҥкэн кылаатын киллэрбитэ.

«Иван Петрович аата биир дойдулаахтарыгар күүс-көмө буола сырыттын. Кини Муома улууһун уонна Арктика сайдыытыгар олоҕун анаабыт киһи буолар!», - диэн Ил Дархан эттэ.

@nvk_sakha