Music

​​🍃🍂🍃

ЎЗИНГ КЕЧИР

Ё, Аллоҳим, ўзинг Ғофур!
Гуноҳларим гарддек ўчир.
Мендек осий бир бандангни ,
Ўзинг кечир, ўзинг кечир...

Беайб ўзинг, мен-ку гумроҳ,
Кунда минг бор тавбам хамроҳ,
Бошгинамга бўлиб паноҳ,
Ўзинг кечир, ўзинг кечир...

Шайтон, лаъин нари юрсин,
Кишанларда банди турсин,
Қиёматда оҳлар урсин,
Ўзинг кечир, ўзин кечир...

Кибр отин миндирмагин,
Синовларда синдирмагин,
Тоатингдан тиндирмагин,
Ўзинг кечир, ўзинг кечир...

Осийлардан кандам дегин,
Маҳшаргоҳда бандам дегин,
Сийлаб хушҳол хандам дегин,
Ўзинг кечир, ўзинг кечир...

Мен ҳилватда йиғлаяпман,
Юрак, бағрим тиғлаяпман,
Шафоатинг сўраяпман,
Ўзинг кечир, ўзинг кечир...

Хазон мисол сочиб гир-гир,
Бу дунёда хасдек учир,
Гуноҳларим аста бир,бир
Ўзинг кечир, ўзинг кечир...

Чексиз шукр мен мусулмон,
Ҳамроҳимдир холис иймон,
Сафар йўлим маҳшар томон,
Ўзинг кечир, ўзинг кечир...

Айламагин бағрим куюк,
Талпинганим ўзинг - Буюк!
Бандам дегин - бўлай суюк,
Ўзинг кечир, ўзинг кечир...

Azobmi azob sevgisiz
Hayotmi hayot sevgisiz
Javobsiz boʻlsa muhabbat
Jannat ham doʻzax sevgisiz
Oximdan zorim oʻtgaydir
Boʻgʻzimda jonim qotgaydir
Tunim kunni unutgaydir
Armon boʻlsa muhabbat
Dunyo koʻrinar vafosiz
Dodu faryodim sadosiz
Dardlarim qolar davosiz
Yolgʻon boʻlsa muhabbat
Hayotim goʻyo gʻurbatdir
Yorugʻ olamim zulmatdir
Har zamonim beshavqatdir
Qon yigʻlasa muhabbat
Boʻlaman telba devona
Oʻz-oʻzimga yod begona
Men kimga boʻlmay parvona
Sarson etsa muhabbat!

💔💔💔💔💔💔🖤