Бүлүү улуустарыгар уотунан сылыттыыга чэпчэтиилээх тарыып дьайыыта кэҥээтэ
Ил Тумэн олорор дьиэни уотунан сылыттыыга чэпчэтиилээх тарыыбы кэҥэтии туһунан сокуону ылынан, балаҕан ыйын 1 күнүттэн ГЭС үлэлиир зонатыгар олорор дьоҥҥо уотунан туһаныы иккис диапазонугар эмиэ тарҕанар.
Урут уотунан сылыттыы тарыыба бастакы диапазон туһанааччыларга эрэ тарҕанар этэ. Билигин кини дьайыыта ГЭС үлэлиир зонатыгар олорор уонна уотунан сылыттыыны туһанар олохтоохторго иккис диапазоҥҥа диэри кэҥээтэ.
Электрическэй энергияны туһаныы диапазоннарын кыраныыссалара маннык түҥэтиллибиттэр:
- бастакы диапазон 7020 киловатт/чааска диэри;
- иккис диапазон-7021 — тэн 10 800 киловатт/чааска диэри;
- үһүс диапазон-10 801 киловатт/чаастан тахса.
Чэпчэтиилээх тарыып иккис диапазона саамай тымныы ыйдарга — сэтинньи, ахсынньы, тохсунньу уонна олунньу ыйдарга туттуллар.
Чэпчэтиилээх тарыып иккис диапазоҥҥа диэри кэҥиирэ Сунтаар уонна Ньурба улуустарын олохтоохторун туруорсууларынан, улуустар салалталарын өрөспүүбүлүкэ таһымыгар туруорсуулаах үлэлэрин түмүгэр ситиһиллибитэ. Сунтаар уонна Ньурба улуустарыгар илии баттааһыннар хомуллубуттара. Ньурбаҕа улуус дьокутааттарын Сүбэтин бэрэссэдээтэлэ Нюргуяна Михайлова салайааччылаах көҕүлүүр бөлөх ыҥырыытынан Саҥа дьыллааҕы уһун өрөбүллэр кэннилэриттэн улуус олохтоохторуттан илии баттааһыннар хомуллубуттара. Кылгас кэм иһигэр 4 тыһ. киһи илии баттаабыта. Бырабыыталыстыба отчуотун кэмигэр бу боппуруос элбэхтэ көтөҕүллүбүтэ.
Ил Түмэн дьокутааттара эмиэ бу боппуруоһу өйөөбүттэрэ. Улуустар туруорсууларынан, кулун тутар 20 к. улууспут дьаһалтатын дьиэтигэр биир дойдулаахпыт, Ил Түмэн Бэрэссэдээтэлин солбуйааччыта Юрий Михайлович Николаев салайар Ил Түмэн бүддьүөт, үп, нолуок уонна сыана бэлиитикэтин, бас билии уонна приватизация боппуруостарын сис кэмитиэтин көһө сылдьар мунньаҕа ыытыллыбыта. Манна туһааннаах министиэристибэлэр уонна биэдэмистибэлэр: Үп, Экэниэмикэ министиэристибэлэрин, «Якутскэнерго», «ДЭК», Госкомцен салайааччылара, ыаллыы Сунтаар улууһун салалтата кыттыбыттара.
Дьокутааттарбыт Владимир Михайлович Прокопьев, Георгий Русланович Балакшин, улуустар салайааччылара уо.д.а. күүскэ этэн-тыынан туруорсубуттара. Чэпчэтиини кэҥэтэргэ, 2-с диапазону субсидиялыырга эбии үбү көрөргө быйылгы бүддьүөккэ көннөрүүлэри киллэрэргэ, чэпчэтии тымныы ыйдарга олохтонуохтааҕар этиилэри киллэрбиттэрэ. Бу курдук ыаллыы улуустар элбэх олохтоохторун туруорсуулара учуоттанан олоххо киирдэ.
Ньурба улууһун дьаһалтатын пресс-сулууспата.
Ил Тумэн олорор дьиэни уотунан сылыттыыга чэпчэтиилээх тарыыбы кэҥэтии туһунан сокуону ылынан, балаҕан ыйын 1 күнүттэн ГЭС үлэлиир зонатыгар олорор дьоҥҥо уотунан туһаныы иккис диапазонугар эмиэ тарҕанар.
Урут уотунан сылыттыы тарыыба бастакы диапазон туһанааччыларга эрэ тарҕанар этэ. Билигин кини дьайыыта ГЭС үлэлиир зонатыгар олорор уонна уотунан сылыттыыны туһанар олохтоохторго иккис диапазоҥҥа диэри кэҥээтэ.
Электрическэй энергияны туһаныы диапазоннарын кыраныыссалара маннык түҥэтиллибиттэр:
- бастакы диапазон 7020 киловатт/чааска диэри;
- иккис диапазон-7021 — тэн 10 800 киловатт/чааска диэри;
- үһүс диапазон-10 801 киловатт/чаастан тахса.
Чэпчэтиилээх тарыып иккис диапазона саамай тымныы ыйдарга — сэтинньи, ахсынньы, тохсунньу уонна олунньу ыйдарга туттуллар.
Чэпчэтиилээх тарыып иккис диапазоҥҥа диэри кэҥиирэ Сунтаар уонна Ньурба улуустарын олохтоохторун туруорсууларынан, улуустар салалталарын өрөспүүбүлүкэ таһымыгар туруорсуулаах үлэлэрин түмүгэр ситиһиллибитэ. Сунтаар уонна Ньурба улуустарыгар илии баттааһыннар хомуллубуттара. Ньурбаҕа улуус дьокутааттарын Сүбэтин бэрэссэдээтэлэ Нюргуяна Михайлова салайааччылаах көҕүлүүр бөлөх ыҥырыытынан Саҥа дьыллааҕы уһун өрөбүллэр кэннилэриттэн улуус олохтоохторуттан илии баттааһыннар хомуллубуттара. Кылгас кэм иһигэр 4 тыһ. киһи илии баттаабыта. Бырабыыталыстыба отчуотун кэмигэр бу боппуруос элбэхтэ көтөҕүллүбүтэ.
Ил Түмэн дьокутааттара эмиэ бу боппуруоһу өйөөбүттэрэ. Улуустар туруорсууларынан, кулун тутар 20 к. улууспут дьаһалтатын дьиэтигэр биир дойдулаахпыт, Ил Түмэн Бэрэссэдээтэлин солбуйааччыта Юрий Михайлович Николаев салайар Ил Түмэн бүддьүөт, үп, нолуок уонна сыана бэлиитикэтин, бас билии уонна приватизация боппуруостарын сис кэмитиэтин көһө сылдьар мунньаҕа ыытыллыбыта. Манна туһааннаах министиэристибэлэр уонна биэдэмистибэлэр: Үп, Экэниэмикэ министиэристибэлэрин, «Якутскэнерго», «ДЭК», Госкомцен салайааччылара, ыаллыы Сунтаар улууһун салалтата кыттыбыттара.
Дьокутааттарбыт Владимир Михайлович Прокопьев, Георгий Русланович Балакшин, улуустар салайааччылара уо.д.а. күүскэ этэн-тыынан туруорсубуттара. Чэпчэтиини кэҥэтэргэ, 2-с диапазону субсидиялыырга эбии үбү көрөргө быйылгы бүддьүөккэ көннөрүүлэри киллэрэргэ, чэпчэтии тымныы ыйдарга олохтонуохтааҕар этиилэри киллэрбиттэрэ. Бу курдук ыаллыы улуустар элбэх олохтоохторун туруорсуулара учуоттанан олоххо киирдэ.
Ньурба улууһун дьаһалтатын пресс-сулууспата.