“Эмиэ Олесь дуо? Тугу бу сырыыга оҥорбутуй?” диэн саҥа аллайыыга үөрэнэн эрэбит быһыылаах. Ол эрэн киһибит Ньурба оройуонун аатын ыыстыырын топпокко, аны Ленскай оройуоҥҥа тиийэн федеральнай таһымнаах скандалы көбүппүт.
Дьыала сүрүн ис хоһооно маннык сайдыбыт. Олесь Петрович Ленскай оройуон главатын Жумарт Абильмановы быыбарга рекламалыы тиийэр. Оройуон главата хайдахтаах курдук үчүгэй киһитин “биһиэхэ маннык глава баара эбитэ буоллар!” дии-дии видеоларыгар хайгыыр, Ленскай хайдах курдук үчүгэйин сотору кэпсиэм диэн анонстуур.
Абильманов тохтоло суох араас скандалларга түбэһэр, коррупция, көмүс уоран сууйааччылар, аймахтарын буруйун сабааһын уо.д.а. бөрүкүтэ суох дьыалалар талыллыаҕыттан батыһа сылдьаллар. Оннук курдук “көмүс” киһини пиардыы тиийбит, биллэрин курдук “харчы сыта суох”, онтон биһиги уолбут Олесь политическай сакаастары толорорго амтан ылбыта туох да саарбаҕа суох.
Ити кэмҥэ хантан эрэ үс “академиктар” диэн ааттыыр дьон тиийэн кэлэллэр, кинилэри кытта Жумарт Жаксклыкович, Олесь Петрович буолан балыктыы бараллар. Улахан Патома, Таймендра курдук ыраах сытар үрэхтэринэн усталлар, таймень балыгы бултаһаллар. Ол тухары Олесь барытын видеоҕа устар, комментарийдыыр. Абильманов таймень оҕотун күөгүгэ туппутун устар (киһитэ “маны устума!” диирин үрдүнэн устан баран Ютубка ол каадырдары укпут).
Ити балыктааһын түмүгэр икки скандал субуруччу тахсаллар. Бастаан Иркутскай уобалас олохтоохторо “сахалар наһаалаан эрэллэр, биһиги уобаласпытыгар кэлэн, бүтүн оройуоннарын баһылыга сокуону кэһэн балыктыыр! Соседтарбытын оннуларын булларар кэм кэллэ!” диэн «Иркутск. Дальше некуда» телеграм-каналга Олесь видеотун дакаастабыл быһыытынан угаллар: https://t.me/irk_24/9659
Иккиһинэн “ыт аанньала” ааттаммыт Бурматов депутат өрүкүйэн турар. “Кыһыл кинигэлээх балыгы бултаабыттар, ыар холуобунай буруйу оҥорууну видеоҕа көрдөрбүттэр” диэн суругу телеграм-каналыгар таһаарар. 258.1 УК РФ «Незаконные добыча и оборот особо ценных диких животных и водных биологических ресурсов, принадлежащих к видам, занесенным в Красную книгу Российской Федерации» ыстатыйаны кэһии баарын бэрэбиэркэлииргэ Прокуратураҕа үҥүстүм диэн биллэрэр.
Бурматов диэн киһи Саха сирин сойуолаһар диэтэххэ омуннааһын буолбата буолуо. Киниэхэ сүгүрүйэр фанаттара сахалары “кыараҕас харахтаах дьиикэй омуктар” диэнтэн атыннык ааттаабаттар. “Сахалары денацификациялыыр уолдьаста”, “Дьокуускайтан ыттар барахсаттары тиэйэн ылан баран буомбалаан кэбиһиэхпин баҕарабын!” диэн ис хоһоонноох комментарийдар ити депутат телеграмыгар нуорма иһинэн ааҕыллаллар.
Дьэ, ити курдук. Олесь Петрович оройуон таһымын мыынан аны республикабытын федеральнай таһымҥа киртитэр буолбут. Ити Жумарт Абильманов Олесь өҥөтүн бэйэтэ сакаастаабыта дуу, биитэр төттөрүтүн, Абильбанавы Олеська “сакаастаабыттар” дуу, бүтэр уһугар улахан разницата суох. Ол эрэн, ити видеотун киэҥ эйгэҕэ таһаарарыгар туох айдаан тахсыан сөбүн кини бэрткэ сэрэйбит буолуохтаах – Олесь туһунан туох баҕар диэххэ сөп, ол эрэн акаарынан эрэ ааҕар сыыһа. Онон “ыт депутата”, Иркутскай уобалас активистара Саха сиригэр өстүйүүлэрин соруйан көбүппүт да буолуон сөп. Тоҕо? Ону айбыт таҥарабыт уонна Олеська сакаас түһэрбит “клиена” эрэ билэллэр.
Тус бэйэм, Гераймович блогер быһыытынан аһары түһэн эрэр диэхпин баҕарабын. Скандалы амтаһыйан баран киһи буолуу кыраныыссыларын сүтэрбит блогердар аҕыйаҕа суохтар. Сусанна Рожина биир оннук чаҕылхай холобур. Олесь Петрович сөбүгэр тохтооботоҕуна элбэх дьикти сонуннары өссө да истэ туруохпут буоллаҕа. Сураҕа көһөөрү малын-салын атыылыы сылдьар үһү. Дьэ саатар эрэ, атын сиргэ баран сыт таһаарар да буоллаҕына, биһиэхэ кыһалҕа кыччыгый. Арай Ньурба аатын эрэ киртитэн бүтэрэ эбитэ буоллар.
Бу ссылканан киирэн хайаан даҕаны комментарийдары ааҕын – хайдах курдук иирээки адьырҕаларга Олесь сахалары өссө биирдэ уган биэрбитин кытта билсиҥ:
https://t.me/burmatoff/944
Өйдөөх Бааска
https://t.me/eideexbaaska
Дьыала сүрүн ис хоһооно маннык сайдыбыт. Олесь Петрович Ленскай оройуон главатын Жумарт Абильмановы быыбарга рекламалыы тиийэр. Оройуон главата хайдахтаах курдук үчүгэй киһитин “биһиэхэ маннык глава баара эбитэ буоллар!” дии-дии видеоларыгар хайгыыр, Ленскай хайдах курдук үчүгэйин сотору кэпсиэм диэн анонстуур.
Абильманов тохтоло суох араас скандалларга түбэһэр, коррупция, көмүс уоран сууйааччылар, аймахтарын буруйун сабааһын уо.д.а. бөрүкүтэ суох дьыалалар талыллыаҕыттан батыһа сылдьаллар. Оннук курдук “көмүс” киһини пиардыы тиийбит, биллэрин курдук “харчы сыта суох”, онтон биһиги уолбут Олесь политическай сакаастары толорорго амтан ылбыта туох да саарбаҕа суох.
Ити кэмҥэ хантан эрэ үс “академиктар” диэн ааттыыр дьон тиийэн кэлэллэр, кинилэри кытта Жумарт Жаксклыкович, Олесь Петрович буолан балыктыы бараллар. Улахан Патома, Таймендра курдук ыраах сытар үрэхтэринэн усталлар, таймень балыгы бултаһаллар. Ол тухары Олесь барытын видеоҕа устар, комментарийдыыр. Абильманов таймень оҕотун күөгүгэ туппутун устар (киһитэ “маны устума!” диирин үрдүнэн устан баран Ютубка ол каадырдары укпут).
Ити балыктааһын түмүгэр икки скандал субуруччу тахсаллар. Бастаан Иркутскай уобалас олохтоохторо “сахалар наһаалаан эрэллэр, биһиги уобаласпытыгар кэлэн, бүтүн оройуоннарын баһылыга сокуону кэһэн балыктыыр! Соседтарбытын оннуларын булларар кэм кэллэ!” диэн «Иркутск. Дальше некуда» телеграм-каналга Олесь видеотун дакаастабыл быһыытынан угаллар: https://t.me/irk_24/9659
Иккиһинэн “ыт аанньала” ааттаммыт Бурматов депутат өрүкүйэн турар. “Кыһыл кинигэлээх балыгы бултаабыттар, ыар холуобунай буруйу оҥорууну видеоҕа көрдөрбүттэр” диэн суругу телеграм-каналыгар таһаарар. 258.1 УК РФ «Незаконные добыча и оборот особо ценных диких животных и водных биологических ресурсов, принадлежащих к видам, занесенным в Красную книгу Российской Федерации» ыстатыйаны кэһии баарын бэрэбиэркэлииргэ Прокуратураҕа үҥүстүм диэн биллэрэр.
Бурматов диэн киһи Саха сирин сойуолаһар диэтэххэ омуннааһын буолбата буолуо. Киниэхэ сүгүрүйэр фанаттара сахалары “кыараҕас харахтаах дьиикэй омуктар” диэнтэн атыннык ааттаабаттар. “Сахалары денацификациялыыр уолдьаста”, “Дьокуускайтан ыттар барахсаттары тиэйэн ылан баран буомбалаан кэбиһиэхпин баҕарабын!” диэн ис хоһоонноох комментарийдар ити депутат телеграмыгар нуорма иһинэн ааҕыллаллар.
Дьэ, ити курдук. Олесь Петрович оройуон таһымын мыынан аны республикабытын федеральнай таһымҥа киртитэр буолбут. Ити Жумарт Абильманов Олесь өҥөтүн бэйэтэ сакаастаабыта дуу, биитэр төттөрүтүн, Абильбанавы Олеська “сакаастаабыттар” дуу, бүтэр уһугар улахан разницата суох. Ол эрэн, ити видеотун киэҥ эйгэҕэ таһаарарыгар туох айдаан тахсыан сөбүн кини бэрткэ сэрэйбит буолуохтаах – Олесь туһунан туох баҕар диэххэ сөп, ол эрэн акаарынан эрэ ааҕар сыыһа. Онон “ыт депутата”, Иркутскай уобалас активистара Саха сиригэр өстүйүүлэрин соруйан көбүппүт да буолуон сөп. Тоҕо? Ону айбыт таҥарабыт уонна Олеська сакаас түһэрбит “клиена” эрэ билэллэр.
Тус бэйэм, Гераймович блогер быһыытынан аһары түһэн эрэр диэхпин баҕарабын. Скандалы амтаһыйан баран киһи буолуу кыраныыссыларын сүтэрбит блогердар аҕыйаҕа суохтар. Сусанна Рожина биир оннук чаҕылхай холобур. Олесь Петрович сөбүгэр тохтооботоҕуна элбэх дьикти сонуннары өссө да истэ туруохпут буоллаҕа. Сураҕа көһөөрү малын-салын атыылыы сылдьар үһү. Дьэ саатар эрэ, атын сиргэ баран сыт таһаарар да буоллаҕына, биһиэхэ кыһалҕа кыччыгый. Арай Ньурба аатын эрэ киртитэн бүтэрэ эбитэ буоллар.
Бу ссылканан киирэн хайаан даҕаны комментарийдары ааҕын – хайдах курдук иирээки адьырҕаларга Олесь сахалары өссө биирдэ уган биэрбитин кытта билсиҥ:
https://t.me/burmatoff/944
Өйдөөх Бааска
https://t.me/eideexbaaska