⚡️⚡️⚡️ Аьрасатнал Президент Владимир Путиннул Дагъусттаннай гъараллу ларч1ун т1абиаьтрал бала-апатирттая зараллу хьусса иширан хасъсса, республикалул бак1чи Сергей Меликовгу, сайки циняв къуллугъирттал каялувчиталгу гьурттусса хъуннасса бат1аву дурунни.

Сергей Меликовлул бувсунни зараллу хьусса республикалул шагьрурдая ва районнал щархъая.

К1иазараксса волонтер зий усса ур бала-апат1ру хьусса к1анттурдай.

Лич1и-лич1исса къуллугъирттал азаллий шанттуршаксса пишакар зий усса ур апат1ру хьусса к1анттурдай.

Сергей Меликовлул бувсунни ччи-ччиний дурсса къатригу щин ялтту лагаврил ца савав хьушиву.

Владимир Путиннул тавакъюв бувунни зарал хьусса гьарца къатлун кумаг бувну, къулагъас, аякьа къадурсса цук1уй къакьаитан.

Сергей Меликовлул бувсунни къатрал чагъарду бакъамигу компенсация лич1и къабувну къакьабитант1ишиву.

Билаятрал президентнал амру бунни Аьрасатнал МЧС -рал хъунаманайн Дагъусттаннай хьусса апат1рал гьарца шаттирал ялув бац1ансса комиссия сакин бан.