Бүгүн Дьокуускай куорат күнүгэр "Саха тыла 400" диэн хамсааһын бастакы угуйар ролигын уһулла. Уһуллууга киин куорат баһылыга Евгений Григорьев кытынна.

Хамсааһын соруга – Дьокуускай 400 сааһыгар сахабыт тыла киэҥник тарҕаммыт, омугуттан тутулуга суох дьоллоох уонна сайдыылаах дьон тыллара буоларын ситиһии.

Бу ролигы устуу хамсааһын иккис киэҥ тэрээһинин саҕалыыр:
"Тоҕо саха тылын билэбиний (үөрэтэбиний, билиэм этэй)?" эбэтэр "Сахам тыла миэхэ туох туһалааҕый?" диэн ыйытыыга хоруйдаан кылгас (биир мүнүүтэ иһинэн) ролик устан түмэт-ситимнэргэ (социальнай сеть) таһаарыы уонна ону тарҕатыы, атыттар эмиэ ол холобуру батыһан бэйэлэрэ ролик устан тарҕаталларыгар угуйуу.

Эһиги эмиэ бу тэрээһиҥҥэ кыттыһыҥ, доҕоттоор! Нууччалыы эбэтэр сахалыы (субтитрдаах буоллаҕына өссө үчүгэй!)
Маннык хэштегтээриҥ дуу:
#сахатыла400
#сахалыысаҥарыахха
#говоримпоякутски