20 ноябрь көнне Роберт Миңнуллин исемендәге Республика балалар китапханәсендә Роберт Миңнуллинның балалар өчен язылган шигырьләре тупланган 5 китабын яңадан нәшер итү уңаеннан тәкъдим итү кичәсе узды!

Әлеге китаплар Роберт Миңнуллин исемендәге Фонд инициативасы белән Татарстан Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау һәм үстерү мәсьәләләре комиссиясе, шәхсән Марат Готыф улы Әхмәтов ярдәме белән, Татарстан китап нәшрияты тарафыннан нәшер ителде.

Китапларны чыгарырга ярдәм иткән һәркемгә үзебезнең олы рәхмәтләребезне җиткерәбез!

Китап бәйрәмендә катнашкан һәр кунакка аерым рәхмәтләребез!

Китапларны Татарстан китап нәшрияты сайтыннан һәм китап кибетләреннән сатып алырга мөмкин.