Саха Өрөспүүбүлүкэтигэр “Култуура сылыгар” уонна Арассыыйаҕа “Норуоттар сомоҕолоһууларын” сылын көрсө,
“Тыыннаах тыл” бырайыак чэрчитинэн ыытыллар М.Е.Николаевка аналлаах куораттааҕы өй оонньуу-күрэҕэр биһиги оскуолаттан 10 А кылааһын үөрэнээччилэрэ кыттан үөрэн-көтөн кэллилэр 🌿⭐️✨

Оонньуу-күрэх 2 түһүмэхтэн турда. 1 түһүмэх – Саха НКИХ “Өркөн өй” халыыбынан ыытыллар квиз-оонньуу; 2-с түһүмэх – талан ылбыт тиэмэҕэ оҕо бэйэ санаатын этэр, санаатын үллэстэр аман өс күрэҕэ. Ыйытыылар М.Е.Николаев олоҕор, үлэтин сүрүн түһүмэхтэригэр, өрөспүүбүлүкэбит бэлиэ чахчыларыгар олоҕурдулар. Аман өс күрэҕэр санаатын сайаҕастык этэр, дакаастыыр, сахалыы ыраастык, уустаан-ураннаан этэрэ сыаналанна.

Биһиги үөрэнээччилэрбит оскуолаларын чиэһин чиэстээхтик көмүскээн, көхтөөхтүк кыттан, саҥа оҕолору, оскуоланы кытары билсэн олус астыннылар, дуоһуйдулар, үөрэн-көтөн, сүргэлэрэ көтөҕүллэн кэллэ ☀️☀️☀️

Салайан илдьэ сырытта кылаас салайааччыта Перевалов В.В