TGStat - аналитика каналов и чатов

Подписывайся, чтобы быть в курсе новостей TGStat.

TGStat Bot

Cтатистика каналов и чатов не выходя из Telegram

SearcheeBot

Ваш гид в мире Telegram-каналов

Статистика Избранное

Sputnik Аԥсны

@sputnik_apsny_info

Гео и язык канала: Россия, Татарский

Категория: Новости и СМИ

Ажәабжьқәа – аԥсышәала!
Шәнапы аҵажәҩы, шәазҿлымҳаз ҳхатәы бызшәала раԥхьаӡа акәны ицәажәо аканал

Связанные каналы | Похожие каналы

Гео и язык канала

Россия, Татарский

Категория

Новости и СМИ

Статистика

Избранное

Фильтр публикаций

Скрывать удаленные

Скрывать репосты

Sputnik Аԥсны

24 Aug, 16:37

Аҟәа нанҳәа 26 рзы имҩаԥысуа афестиваль "Музыка гордых" агала-концерт асасцәа ирзыԥшуп иҷыдоу амузыкатә ҳамҭа — аԥсуа- аурыс шәаҳәаҩцәа еицынарыгӡо ашәақәа ҳәа иҳәеит Николаи Расторгуев исоциалтәи икультуратәи аԥшьгарақәа рыдгыларазы Афонд адиректор Дмитри Лукашин Sputnik имҩаԥысуаз апресс-конференциаҟны.

Аиҿкааҩцәа макьаназы амузыкатә коллаборациақәа рынагӡаҩцәа рыӡбахә дырмаӡоит, ргәы иҭоуп уи атәы нанҳәа 26 рзы асценаҟынтәи рылаҳәара.

Агәыԥқәа "Любэ", "Свинцовый туман", "LEPNINA", артистцәа AY YOLA, Султан Лагучев, BLIZKEY, Васиа Писаренко, Авто Конџьариа, Викториа Лабиа, Валериа Ԥерцхелиаԥҳа, МК545 Аҳәынҭқарратә хәыҷтәы акәашаратә ансамбль "Абаза" рықәгылара аконцерт апрограмма хадаҿы иҟалоит.

Рашәақәа нарыгӡоит аицлабра "Музыка Гордых" аноминациақәа быжьба рҿы аиааира згоугьы.

🖇 "Музыка Гордых" — аҵакы змоу ҳаамҭазтәи ашәа анагӡаҩцәа жәларбжьаратәи рмузыкатә фестивали реицлабреи ауп. Апроект аиҿкааҩ – Николаи Расторгуев ифонд, адгылара анаҭоит акультуратә аԥшьгарақәа рзы ахада Ифонд. Агала-концерт мҩаԥгахоит Аҟәа нанҳәа 26 рзы. Аҩналара хәыдаԥсадоуп.

1 0 0

Sputnik Аԥсны

24 Aug, 16:26

Аԥсны имҩаԥысуа жәларбжьаратәи афестиваль "Музыка Гордых" агала-концерт аицлабратә марафон ду аихшьаала ҟанаҵоит ҳәа азгәеиҭеит Sputnik имҩаԥысуаз апресс-конференциаҟны ауаажәларратә проектқәа рзы Урыстәыла ахада иусбарҭа аиҳабы ихаҭыԥуаҩ Александр Журавски.

Сынтәа аицлабра раԥхьаӡакәны жәларбжьаратәи аформат ала еиҿкаауп, уи алахәхаразы Урыстәыла 250 қалақь рҟынтәи 2048 инареиҳаны азыҳәақәеи Аԥснынтәи 58 зыҳәеи инашьҭын.

Аексперттә хеилак иалнахит 100 рҟынӡа усумҭа, анаҩс ажиури ишьақәдыргылеит аноминациақәа рыбыжьбагьы рҟынтәи иреиӷьу хҩык-хҩык алахәылацәа.

Аиааира згаз арадиостанциа "Гордость" аиҭныԥсахлара иақәшәоит, иара убасгьы, нанҳәа 26 рзы Аҟәа имҩаԥысуа афестиваль аҟны "Лиубе", BearWolf, AY YOLA, Сулҭан Лагучев, BLIZKEY уҳәа еицырдыруа артистцәа ирыцықәгылоит.

Журавски иазгәеиҭеит, ахедлаинерцәа рыдагьы аконцерт ишалахәхо аицлабрахь азыҳәақәа алазҵаз, афинал ахь инеиз артистцәа.

"Ари аноминациақәа быжьба рҟынтәи хҩык афиналистцәа арадио "Гордость" аҿы рыбжьы раҳарц, дара рзы иҿыцу аудиториа ду ахь инеирц азы лшароуп. Уи адагьы, зыбжьы раҳахьаз аха хаҭала ирымбацыз еицырдыруа ашәаҳәаҩцәа сценак аҿы ашәа рыцҳәаразгьы аҭагылазаашьа ҟалоит", — иҳәеит иара.

🖇 Жәларбжьаратәи афестиваль "Музыка гордых" аиҿкааҩ — Николаи Расторгуев ифонд, апроект адгылара анаҭоит акультуратә аԥшьгарақәа рзы ахада Ифонд.

1 0 0

Sputnik Аԥсны

24 Aug, 15:55

Багаԥшь ихьӡ зху ашҭаҿы иҟоу апанно "Аҽы ҟаԥшь иақәтәоу аҽыуаҩ" аиҭашьақәыргылара иалагеит.

Аусурақәа рхыркәшара Аԥсны ахьыԥшымра азхаҵара Амш иахьыгӡахоит ҳәа аанацҳаит Аҟәа ахадара апресс-маҵзура.

Аскульпторцәа Давид Ҷкотуеи Арсоу Берзениеи имариоу аӡбамҭақәа рыла аиҭашьақәыргылара ахшыҩҵак рыдыргалеит – амозаика аимитациа аҟаҵара.

"Ари иласу, аҽалагалара рацәак зҭахым ӡбамҭоуп – аԥштәы алкааны еибгаз амозаикатә кыцԥҽыхақәа реиԥштәра алдыршеит. Апанно аҿы баша арҩызрақәа зызуз аҭыԥқәа ыҟан, урҭ даара иубарҭан, ҳара урҭ ацәаакыра зычҳауа ашәыгала иаҳшәит", — ҳәа азгәеиҭеит Ҷкотуа.

Аусурақәа мҩаԥысуеит аҳҭнықалақь ахадара ацхыраарала.

11 0 0 1

Sputnik Аԥсны

24 Aug, 15:50

Асоциалтә аԥшьгарақәа рыҿиареи Аԥсни Урыстәылеи руаажәларратә еиҿкаарақәа рыбжьара аԥышәа аимдареи иалацәажәеит ареспублика Ауаажәларратә палатаҿы Виачеслав Гладкови далархәны.

Аԥсны иҟоу Урыстәыла ацҳаражәҳәаҩ иазгәеиҭеит, Урыстәыла, Аԥсны аҭагылазаашьақәа ҳасаб азуны, атәыла арегионқәа рҿы ахархәара змоу аԥышәа амадара ҳәа аанацҳаит "Аԥсныпресс".

Ахәыҷы изинқәа рыхьчаразы Азинмчы змоу аус лыцура аҳәаақәа ирҭагӡаны, Очамчыреи Гали араионқәа рҟынтәи Икоммерциатәым аиҿкаарақәа ҩба рнапхгаҩцәа Урыстәыла иаҭаахьеит, уаҟа иҭырҵаахьеит апсихикатә еилагарақәеи онкологиатә чымазарақәеи змоу ахәыҷқәа аус рыдуларазы аԥышәа.

Аныҟәара аихшьаалақәа рыла Очамчыреи Гали араионқәа рҿы агәаҭаратә проектқәа ҩба аусура раларгара азԥхьагәаҭоуп. Аԥхьаҟа урҭ рԥышәа ареспублика егьырҭ аиҿкаарақәа ирылаҵәар алшоит иҳәеит Гладков.

Ацҳаражәҳәаҩ, иара убасгьы, аусеицураҿы аҳәынҭқарратәи амуниципалтәи маҵзураҿы ихатә ԥышәа ахархәара дшазыхиоу азгәеиҭеит.

12 0 0

Sputnik Аԥсны

24 Aug, 15:22

Аицлабра "Аԥсны акоманда" аҩбатәи латәарадатәи ахәҭа иалагеит.

Уи иалахәуп уаанӡатәи ахәҭаҿы иреиӷьу алҵшәақәа аазырԥшыз 500-ҩык.

Аетап мҩаԥыслоит цәыббра 1 аҟынӡа, уи аҳәаақәа ирҭагӡаны алахәылацәа рнапхгаратә лшарақәа ахәшьара рырҭоит.

"Аԥсны акоманда" абжьгара ҟанаҵоит адҵақәа рынагӡара аҵыхәтәантәи амшынӡа инаскьарымгарц, избанзар асистема ианаамҭоу атестқәа рахысра ҳасаб азнауеит.

🖇 Аицлабра еиҿнакааит ИАЕ "Аԥсны акоманда", ИАЕ "Урыстәыла – алшарақәа ртәыла" ацхыраарала. Уи алахәхаразы 3 384 зыҳәа нашьҭын.

11 0 0

Sputnik Аԥсны

24 Aug, 15:07

Николаи Смецкои ипарк Амш мҩаԥгахоит Агәыӡера нанҳәа 30 рзы.

Агәыӡера аҳаблаҿ Смецкои ипарк аиҭарҿиара ахшыҩҵак аҭыԥантәи ауааԥсыра ргәаҿы еснагь иҟан ҳәа азгәалҭеит Sputnik имҩаԥысуаз апресс-конференциаҟны аилазаара "Агәыӡера. Абиԥарақәа рпарк" анагӡаратә директор Русудан Кобиакова.

Апроект авторцәа архивтә документқәа ҭырҵааит, апарк аҿы аҵлақәа ринвентаризациа мҩаԥыргеит, аҵакыра дрыцқьеит, иадыԥхьалаз агеодезистцәа аинтерактивтә хсаала аинформациа аларгалеит, аԥсшьарҭа ҭыԥ ҿыц еиҿыркааит, апарк ахсаала зну аинформациатә стендқәа ықәдыргылеит. Иара убас, Гәылрыԥшь араион ахадара апарк аҿы ажратә система аиҭашьақәыргыларазы х-миллион мааҭ азоунажьит.

Нанҳәа 30 рзы апарк аҿы имҩаԥгахоит аҟазаратә-классқәа, апарк аҭоурых иазку аекскурсиақәа, аҭыԥантәи асахьаҭыхыҩцәа русумҭақәа рцәыргақәҵақәа, Николаи Смецкои изку афильм арбара, аекологиеи аботаникеи рзы авикторинақәа, араион аҭоурыхи алитературатә ҭынхеи ирызку ашәҟәытә цәыргақәҵа, аҭыԥантәи анапҟазацәа рџьармыкьа. Аныҳәа аконцерттә программала ихыркәшахоит.

🖇 Апарк 1985 шықәса рзы, асанаториа "Агәыӡера" иаакәыршаны, ашьапы икит еицырдыруа амеценат, анаплакҩы Николаи Смецкои. Уи аҵакыраҿы реиқәырхара алыршахеит иуникалтәу ареликттә ҵлақәа — асеквоиа, акипарисқәа, аевкалиптқәа, апальмақәа уҳәа асубтропикатә шәаԥыџьаԥ. Асовет аамҭазы Агәыӡератәи апарк аҿаԥхьа иҟаз адачақәа рҿы аус руан, инхон ашәҟәыҩҩцәа Константин Симонов, Дырмит Гәлиа, Евгени Евтушенко, Иван Ҭарба, Фазиль Искандер уҳәа аӡәырҩы.

ИАЕ "Агәыӡера. Абиԥарақәа рпарк", урыстәылатәи ахада игрантқәа Рфонд ацхыраарала имҩаԥысуаз аицлабра "Аԥсны Арҿиаҩцәа" агрант анашьахеит.

13 0 0

Sputnik Аԥсны

24 Aug, 12:48

880 ҭоԥ аҭаҭын рымырхит Аушьҭырҭатә ҭыԥ "Ԥсоу" аҟны.

Абаџьдатә хәаахәҭра мацара иазку атауар рыԥшааит аҳазалхырҭа аусзуҩцәа Инар Ҷкотуа дзықәтәаз автомашьына TOYOTA MARK X агәаҭараан ҳәа аанацҳауеит Аҳазалхратә еилакы.

Ирымырхыз атауар аџьармыкьатә хәыԥса 132 нызықь мааҭ рҟынӡа инаӡоит.

Аус аматериалқәа Аҳәынҭқарратә ҳазалхратә еилакы аусеилыргареи аҭҵаареи рыҟәшахьы инашьҭуп.

19 0 0 1

Sputnik Аԥсны

24 Aug, 12:35

Аԥсуеи аурыси музыка ахәылԥаз "Атрадициақәа рышьҭыбжьқәа" мҩаԥысит Москва.

Акультуратә центр "Меридиан" азал маҷ аҿы аԥсуа музыка ӡырыргеит Беслан Сымсым, Асҭамыр Кәарҷиа, Абзагә Ҵәыџьба, Инал Муриев, урыстәылатәи — Москонцерт ансамбль "Анашанатә рахәыцқәеи", уи алахәыла Ольга Кузнецовеи.

"Амузыкатә хәылԥазы амилаҭтә традициақәа рҷыдарақәа рдырра адагьы, урҭ ахьеиныруа аҭыԥқәа рбаразы лшараны иҟалеит", – ҳәа азгәарҭеит Жәлар рдипломатиа ацентр аҿы.

Ахәылԥаз аиҿкааҩцәа – Москва акультура Адепартамент Аҿар рхеилак, Аԥсны арҿиаратә ҿар реидгыла, Жәлар рдипломатиа ацентр.

Аконцерт амҩаԥгаразы аҭыԥ аздырхиеит ацентр "Меридиан" Аԥсны Ацҳаражәҳәарҭа аус ацура аҳәаақәа ирҭагӡаны.

20 0 0

Sputnik Аԥсны

24 Aug, 12:16

Аҟәатәи аексперименталтә патологиеи атерапиеи рыҭҵаарадырратә институт — 99 шықәса ахыҵуеит.

Иара аартын нанҳәа 24 1927 шықәсазы. Шәышықәса рзы рацәак агымкәа инарзынаԥшуа, уа авирусқәа ҭырҵаауеит, ахәшәқәеи алаҵақәеи аус рыдырулоит, иара убас, абиологиеи амедицинеи ирызку агәаҭарқәа мҩаԥыргоит, уимоу "аҿара аген" ԥыршәон.

Аинститут аҭоурых аҿы иҷыдоу аҭыԥ ааннакылоит акосмостә программа: араҟа ирааӡон акосмос ахь идәықәырҵоз амаамынқәа.

Аԥсны жәлар Рџьынџьтәылатә еибашьра ашықәсқәа раан аинститут ааха ӷәӷәа аиуит, аԥстәқәа рацәаны иҭахеит. Аха аусбарҭа аусура аиҭашьақәыргылара алыршахеит.

Иахьа амаамынқәа рааӡарҭаҿы иҭакуп 500 инареиҳаны амаамынқәа, аҭҵаарадырратә усурақәа ирыцҵоуп урыстәылатәи рколлегацәеи дареи русеицурала.

Sputnik Абхазия

Сухумскому научно-исследовательскому институту экспериментальной патологии и терапии — 99 лет. Он был открыт 24 августа 1927 года. За почти век его история была связана с исследованиями вирусов, разработкой лекарств и вакцин, а также экспериментами в области биологии и медицины, и даже испытывали "...

20 0 0

Sputnik Аԥсны

24 Aug, 10:59

Адәныҟатәи аусқәа рминистр Олег Барцыц зхадараҿы дыҟоу Аԥснытәи аделегациа Дамаск иҟоуп.

Аделегациа иалоуп Аԥсны акультура аминистр Даур Ақаҩба, афинансқәа рминистр Саид Гәбаз, адәныҟатәи аусқәа рминистр ихаҭыԥуаҩ Иракли Ҭыжәба, Ҭырқәтәыла иҟоу Аԥсны азинмчра змоу ахаҭарнак Ибраҳим Аҩӡба ҳәа аанацҳауеит аусбарҭа апресс-маҵзура.

Аусуратә ныҟәара аҳәаақәа ирҭагӡаны Аԥснытәи аделегациа Дамастәи 63-тәи жәларбжьаратәи аиармарка иалахәхоит, Шьамтәыла еишьашәалоу аусбарҭақәа рнапхгаҩцәеи, аԥсуа-адыга диаспора ахаҭарнакцәеи рԥыларақәа мҩаԥнагоит.

Аганқәа аизыҟазаашьақәа рыҿиареи наҟ-ааҟтәи аинтерес змоу аусхкқәа рҿы аусеицура арҭбаареи ирылацәажәараны иҟоуп.

23 0 0 1

Sputnik Аԥсны

24 Aug, 10:35

00:23

Видео недоступно для предпросмотра

Смотреть в Telegram

Украинатәи Арбџьармчқәа рдронқәа Краснодартәи атәылаҿацә ианажәлаз иҭахаз ахәыҷқәа рхыԥхьаӡара хҩык рахь еизҳаит.

Урҭ 13, 15, 16 шықәса зхыҵуа хбыџқәоуп ҳәа адырра ҟалҵеит ахәыҷы изинқәа рыхьчаразы Урыстәыла ахада иҟны иҟоу азинмчы змоу Мариа Львова-Белова.

Иара убасгьы, ааха зауз рхыԥхьаӡара 12 рҟынӡа ихалеит. Урҭ рахьтә фҩык ахәышәтәырҭахь инаргеит, ргәабзиара аҭагылазаашьа абжьаратә хьанҭара аҟны иҟоуп.

Авидео аҟны — ахатәы хәыҷтәы центр ахь адронқәа рыԥҽыхақәа ахькаҳаз аҭыԥ.

22 0 0 1

Sputnik Аԥсны

24 Aug, 09:41

Урыстәылатәи арегионқәа рҿы аҳаирхыхьчаратә мчқәа уахыкала украинатәи аԥырҩы дызҭам ахархәагақәа 351 ҭадырхеит ҳәа аанацҳауеит Атәылахьчара аминистрра.

Адронқәа ҭархан Астрахантәи, Белгородтәи, Бриансктәи, Курсктәи, Ростовтәи аобластқәа рҿы.

Уи адагьы, адронқәа ҭархоуп Краснодартәии Ставропольтәии атәылаҿацәқәа, Адыгеиа, Ҟрым, Амшын еиқәеи Азовтәи амшыни рқәыԥшылараҿы.

23 0 0 1

Sputnik Аԥсны

24 Aug, 09:01

Ҩыџьа ахәыҷқәа ҭахеит, быжьҩык аахақәа роуит иаха украинатәи аԥырҩы дызҭам ахархәага аԥҽыхақәа Краснодар ахатәы хәыҷтәы центр иахьақәҳаз иахҟьаны.

Даҽа ҩыџьа адуцәа ахәышәтәырҭахь инагоуп ҳәа адырра ҟаиҵеит Краснодартәи атәылаҿацә агубернатор Вениамин Кондратиев.

Аԥырҩы дызҭам ахархәагақәа рыԥҽыхақәа зықәҳаз ашьҭаҵарҭатә хыбрақәагьы амца ркит. Ауаа ахьынхо аҩнеихагылақәеи ҿыц зыргылара иаҿу хыбраки ааха роуит.

Краснодар, иара убасгьы, ааха аиуит аилахәыра Ozon алогистикатә центр.

Уи адагьы, адронқәа ржәылара иахҟьаны, Адыгцәеи, Ахачҳареи, Тахтамукаитәи араион рҿы Ozon алогистикатә центрқәа ааха рыҭоуп, уаҟа ахәрақәа зауз ауааԥсырагьы ыҟоуп.

25 0 0

Sputnik Аԥсны

24 Aug, 08:38

Кавказтәи ашьхарыуа жәларқәа ртрадициатә маҭәақәа иреиуоу ахылԥарч иаанарԥшуеит ауаҩы иҟәыӷара, имч, ихьӡ, ихьымӡӷ. Ахылԥарч асимволтә ҵакыла ауаҩы имч аазырԥшуа акәны иҟоуп. Зхылԥарч зцәыӡыз зхы зцәыӡыз диҩызоуп, иԥсҭазаара ашәарҭара иҭагылоуп.

Кавказаа рҿы иуԥылоит убас еиԥш иҟоу ажәаԥҟа: "Аӡәы акы уабжьеигарц ануҭаху, ухылԥарч уазҵаа". Аԥсуаа ирҳәоит: "Ахы ыҟазар, ахылԥарч ахалоит".

Аԥсуа жәлар ртрадициатә маҭәақәа ирыхәҭаку ахаҵа́́ – ахылԥарч – аҵаки уи ахархәашьеи ртәы шәаԥхьар шәылшоит Sputnik Аԥсны асаит аҟны.
#social

25 0 0

Sputnik Аԥсны

23 Aug, 22:52

Шәача аҳаирбаӷәазаҿы аԥырразы аԥкрақәа аԥыхуп ҳәа аанацҳауеит Росавиациа.
#social

32 0 0

Sputnik Аԥсны

23 Aug, 22:37

Шәача аҳаирбаӷәазаҿы аԥырразы аԥкрақәа алагалоуп, абри атәы аарыцҳауеит аҳаирбаӷәаза аҟынтә.
#social

33 0 0

Sputnik Аԥсны

23 Aug, 21:43

Афестиваль "Донбасстәи аекспресс — 2026" хыркәшахеит.

Аԥснынтәи ашәаҳәацәа раԥхьаӡакәны уи иалахәын. Ареспублика жәларбжьаратәи асценаҿы ицәырыргеит Гагратәи авокалист, арҵаҩы Саида Гәымԥҳаи уи лҵаҩы Алик Косиани.

Урҭ еизаку ахор ду аилазаараҿы акамертә музыка аоркестр ашәа рыцнарыгӡеит.

Саида Гәымԥҳа алахәыла идипломи ашкол-фестиваль амҩаԥгара активла дахьалахәыз азы аҳаҭыртә шәҟәи ланаршьеит.

🖇 Аџьазмен Леонид Лундстрем ишкол-фестиваль мҩаԥысуан Ҭаҭарсҭан, ақалақь Альметиевск, уи еизнагеит Урыстәылеи Аԥсни рҟынтәи 89-ҩык алахәылацәа.

36 0 1 1

Sputnik Аԥсны

23 Aug, 21:25

01:11

Видео недоступно для предпросмотра

Смотреть в Telegram

Аҳәынҭавтоинспекциа аусзуҩцәа апассаџьырцәа рымҩангараан ашәарҭадара анормақәа реилагаразы 35-ҩык амашьынаныҟәцаҩцәа ахараԥса рықәырҵеит.

Агәаҭарақәа мҩаԥысит аӡиа Риҵахь уназго амҩадуаҿ.

Азинхьчацәа амашьынаныҟәцаҩцәа рдокументқәеи, урҭ рсалонқәа апассаџьырцәа рхыԥхьаӡара аизырҳаразы напылаҟаҵарала иназыцҵоу атәарҭақәа рыҟазаареи гәарҭон.

Иара убасгьы, азинхьчацәа иазгәарҭеит азин змамкәа аԥсҟы зкыз жәаҩык амашьынаныҟәцаҩцәа.

Ихадоу атуристтә хырхарҭақәа рҿы ареидқәа иааиԥмырҟьаӡакәа имҩаԥгахоит ҳәа рҳәеит Аҩнуҵҟатәи аусқәа рминистрраҟны.

30 0 0

Sputnik Аԥсны

23 Aug, 20:55

Нхыҵ-Уаԥстәылатәи атеатр 1976 шықәсазы Аԥсны имҩаԥнагаз раԥхьатәи агастрольқәа хашҭра рықәым ҳәа игәалашәарақәа ҳацеиҩишеит Нхыҵ Уаԥстәыла Жәлар рартист Едуард Тигиев.

"Усҟан ҳара зегьы ҳқәыԥшын, ҳәарада. Сармарахь ала ҳтеатр афиша ыҟоуп, иҭабуп уи ахьеиқәшәырхаз. Сара усҟан ԥшь-спектакльк срылахәын, уи 1976 шықәса рашәара 10 рзы акәын. Ҳара Аԥсны хашҭра зқәымыз 20 мш ҳхаҳгеит", — ҳәа азгәеиҭеит актиор.

Иахьа Тигиев Аԥсуа театр асценахь дцәырҵит аспектакль "Газдановаа" далахәны.

Нхыҵ-Уаԥстәыла Жәлар рартистк Асаҳмаҭ Аидаров иакәзар, ҩ-республикак рмилаҭтә театрқәа рырҿиаратә еимадара ӷәӷәақәа азгәеиҭеит.

"Ауаԥсаагьы аԥсуаагьы еилаҳкаауеит ҳара ҳшеизыҟоу. Адунеи зегьы аҿы ажәларқәа аԥсуааи ауаԥсааи реиԥш еизыҟазгьы, адунеи зегь аҿы еибашьра ахаангьы иҟаломызт", — иҳәеит иара.

Ҭҳаԥсаев ихьӡ зху Нхыҵ-Уаԥстәылатәи атеатр Аԥсныҟа иддырбоит х-спектакльк — "Газдановаа", "Демон", "Отелло".
#social

27 0 0

Sputnik Аԥсны

23 Aug, 20:15

Аԥсуа театри Нхыҵ-Уаԥстәылатәи атеатри наҟ-ааҟтәи ргастрольқәа 50 шықәса зхыҵуа аҭоурых рымоуп лҳәеит Хьыбла Мықәԥҳа.

"Раԥхьатәи агастрольқәа мҩаԥысит 1976 шықәсазы. Уи ҩ-театрк анаҩстәи рырҿиаратә еимадарақәа уасхырс ирзыҟалеит", — ҳәа азгәалҭеит Аԥсуа театр адиректор хада.

Мықәба иара убасгьы иазгәалҭеит, Нхыҵ-Уаԥстәылатәи атеатр рықәыргыламҭа "Гаӡановаа" дшалахәу Нхыҵ Уаԥстәыла Жәлар рартист Едуард Тигиев, уи даҽазныкгьы ишьақәнарӷәӷәоит атеатртә абиԥарақәа реимадара.

"Арепертуар анышьақәҳаргыло, еснагь иалоуп амилаҭтә, аҳәаанырцәтәи, аурыс драматургиа. "Гаӡановаа" — асовет мчра ашьҭахьтәи аҵакыра зегьы еидызкыло спектакльуп. Ари Асовет Еидгыла зегьы еицырдыруа иҟалаз Газмановаа рҭаацәара ду рҭоурых ауп", — иҳәеит Нхыҵ-Уаԥстәылатәи атеатр асахьаркыратә напхгаҩы Гиви Валиев.

Ҭҳаԥсаев ихьӡ зху Нхыҵ-Уаԥстәылатәи атеатр аԥсуа хәаԥшыҩцәа иддырбоит аспектакльқәа хԥа — "Газдановаа", "Демон", "Отелло".

Sputnik Абхазия

Взаимные гастроли Абхазского и Северо-Осетинского театров имеют 50-летнюю историю, сказала Хибла Мукба. "Первые гастроли состоялись в 1976 году. Именно они стали фундаментом для дальнейших творческих связей двух театров", — подчеркнула гендиректор Абхазского театра. Мукба также отметила, что в по...

28 0 0

Показано 20 последних публикаций.

572

подписчиков

Статистика канала

Популярное в канале

Аԥсны адәахьтәи акультуреи аспорти аҿиара уажәоуп ианалаго иҳәеит Аҿари аспорти русқәа рзы Аҳәынҭ...

Ажурнал "Алашара" ахԥатәи аномер ҭыҵит. Уи акыршықәса амаҵ азызуаз, атрадициақәа еихаҳауа иаазгоз...

Асахьаҭыхҩы Александр Шервашиӡе-Чачба иԥсҭазаареи иҟазареи иадҳәалоу аматериалқәа ыҟоуп, аха ихьӡ...

Аԥсны жәлар Рџьынџьтәылатә еибашьра ашықәсқәа раан иахьаԥсыуааз мацаразы ишьыз рсиақәа Сергеи Дба...

Аԥсны Афырхаҵа Сергеи Дбар игәаларшәара иазкыз ахәылԥаз мҩаԥысит Аҟәа арра-патриоттә лагер аҿы. ...