Бэс ыйын 13 күнэ, ГОРОСКОП
⠀
Хой ♈️
Бары өттүнэн таһаарыылаах күн. Саҥа күүс сэниэ кутуллан киириэҕэ. Онон болҕомтоҕун тардыбыт, саҥаны саҕалыыртан саллыма.

Оҕус ♉️
Тапталга табыллыаҥ. Тулалыыр дьоннуун, түргэнник, чэпчэкитик, уопсай тыл булуоҥ. Саҥаны, солуну атыылаһартан аккаастаныма.

Игирэлэр ♊️
Сүрүн, тыын боппуруос быһаарыллыаҕа, сабыллыаҕа. Доруобуйаҕын көрүнэргин умнума. Сынньалаҥ уонна спорт эйгэтэ табыллар күнэ.

Рак ♋️
Бары өттүнэн ыарахан күн. Былааннаабытын ыһыллан сөп. Уоскуйа, холкутуу түһэрин ордук. Күн бүтүүтэ соһуччу көрсүһүү, билсиһии кэтэһэр.

Хахай ♌️
Элбэх киириилээх тахсыылаах, хатыйсыылаах күн. Урукку айдаан, хаттаан күөдьүйэн тахсыан сөп. Үлэҕэр умса түс, саҕалаабыккын түмүктээ.

Кыыс ♍️
Сэргэх, сэмэй күн. Бүгүн ылсыбытын, ыпсан, табыллан иһиэҕэ. Саҥаны боруобалыыртан аккаастаныма, түмүгэ үөрдүөҕэ, дьоллуоҕа.

Ыйааһын ♎️
Айан, көрсүһүү табыллар күнэ. Кистэлэҥҥин кимиэхэ даҕаны кэпсээмэ, арыйыма. Айдаан төрдө буолуоҕа. Күн бүтүүтэ ситиһиилиин сиэттиһиэҥ.

Скорпион ♏️
Чугас дьоҥҥун өһүргэтиэххин, хомотуоххун сөп. Ыксаабатаххына күнүҥ саҥа кирбиилэри бэлэхтиэҕэ. Киэһэлик соһуччу көрсүһүү күүтэр.

Охчут ♐️
Саарбахтааһын, сэрэхэчийии, дьоҥҥун кытта сыһыан, сыппаабыт. Ким эрэ куһаҕаҥҥа соһо сатыыр. Күүстээх быһаарыныы ылынар түгэн үөскүөҕэ.

Чубуку ♑️
Былааҥҥын уларытыма, ылсыбыккын ыһыктыныма. Куһаҕаҥҥа кучуллума. Сүрэххин иһит. Саарбаҕалыыр буоллаххына таарыйыма.

Күрүлгэн ♒️
Чуумпу, сэргэх күн. Бүгүн туруорбут сыалгын ситиһэргэр, ким даҕаны, туох даҕаны, мэһэйдиир кыаҕа суох. Үчүгэй сурах, сонун истиэҕиҥ.

Балыктар ♓️
Бары өттүнэн таһаарыылаах күн. Ордук тапталга табыллыаҥ. Кыаҕыҥ, сэниэҥ толору, онон бары харгыстары кыайа хото тутуоҥ.