УУС АЛДАН | "Мүрү саһарҕата"


Гео и язык канала: Россия, Русский
Категория: Новости и СМИ


Уус Алдан улууһун сонуннара👉 t.me/uamurusahargata
Бииргэ үлэлэһэргэ ыҥырабыт, суруктаргытын күүтэбит

Связанные каналы  |  Похожие каналы

Гео и язык канала
Россия, Русский
Категория
Новости и СМИ
Статистика
Фильтр публикаций


‼️Ытыктабыллаах биир дойдулаахтарбыт!

Анал байыаннай дьайыы биллэриллиэҕиттэн дойдубут чиэһин эрэллээхтик көмүскүү сылдьар биир дойдулаахтарбытыгар улууспут дьоно-сэргэтэ бары биир киһи курдук турунаммыт тиһигин быспакка бииргэ көмө оҥорон кэлбиппит махталлаах. Төрөөбүт дойдуларыттан, сирдэриттэн-уоттарыттан, алаһа дьиэлэриттэн, дьиэ кэргэттэриттэн тэйэ сылдьар дьоҥҥо бу тугунан да кэмнэммэт улахан өйөбүл, тирэх. Кинилэр баар буоланнар биһиги бүгүн нус-хас олоробут, үлэлиибит-хамныыбыт, айабыт-тутабыт.

Онтон уолаттарбыт күн бүгүн өссө да биһиги өйөбүлбүтүгэр, көмөбүтүгэр наадыйаллар. Кинилэр өрөгөйдөөх Кыайыыны аҕалсыбыт аҕа көлүөнэ дьоммут суолларын тэлэн, уоттаах хонууга төһөлөөх ыарахан балаһыанньаҕа сылдьалларын өйдөөн-дьүүллээн туран, биһиги, улуус олохтоохторо хас биирдии бэйэбит биир күннээх хамнаспытынан көмө оҥоруоххайыҥ диэн ыҥырабыт уонна бу Ыҥырыыны бары ис сүрэххититтэн өйүөххүт диэн эрэнэбит.

Уус Алдан улууһун сэрии, үлэ бэтэрээннэрин Сэбиэтэ


☀️Бөөлүүн тоҥорбото, муҥутаан 1 кыраадыс тымныйа сырытта.

🌤️ Бүгүн сарсыарда 6 чааска Бороҕоҥҥо 1 кыраадыс тымныы буолбут. Күнүс 3-4 кыраадыс сылаас буолара күүтүллэр. Сөкүүндэҕэ 7 м түргэннээхтик үрэр тыаллаах, сөҥүүтэ суох ыраас күн.

📸 Домна Вензель

@uamurusahargata


💫Күннээҕи гороскоп

Муус устар 18 күнэ


@uamurusahargata




Мүрү 1, 2 нүөмэрдээх, Мындааба спортивнай хайысхалаах орто оскуолаларын, Мүрүтээҕи уолаттар гимназияларын үөрэнээччилэрэ, үлэһиттэрэ Майаҕатта Бэрт Хара аатынан стадиоҥҥа субуотунньуктаатылар.

Хас биирдии оскуола үллэстэн, сүүстүү миэтэрэ кэрчиккэ сүүрэр дорожка хаарын ыраастаатылар.

Сотору кэминэн стадион киэҥ сиригэр-уотугар үгүс күрэхтэһии ыытыллан, оҕолор спордунан дуоһуйа дьарыктаныахтара, ситиһиилэри үксэтиэхтэрэ 👍🏻✊

Ону таһынан гимназия коллектива "Батыйа" мемориальнай комплекска хаары ыраастыыр үлэҕэ сырыттылар. Бу сир гимназистарга сыһыарыллан, сыллата ыраастыыр соруктарын үтүө суобастаахтык толороллор✊

✍Ольга Шепелева

@uamurusahargata @ulusmedia


Валериан Бурцев үөрэммит оскуолатыгар дьоһун бэлэҕи оҥордо👏

Бүгүн муус устар 17 күнүгэр оскуолабытыгар эмиэ биир үөрүүлээх, умнуллубат түгэн буолан ааста. Биир дойдулаахпыт Дьокуускай куоракка олорор урбаанньыт Валериан Валерианович Бурцев үөрэммит оскуолатын үөрэнээччилэригэр анаан күүстээх кыамталаах музыкальнай аппаратураны бэлэх уунна.

Оскуола дириэктэрэ И.Г. Портнягин үөрүүлээх быһыыга-майгыга, оҕолор ытыстарын тыаһыгар кэлэктиип аатыттан истиҥник махтанан туран, саха быһаҕын туттарда. Валериан Валерианович бу бастакы эрэ көмөтө буолбатах, бу иннинээҕи сылларга үөрэммит оскуолатыгар куруук күүс-көмө, өйөбүл буолан кэллэ.

Убаастабыллаах Валериан Валерианович!
Оскуола иитэр-үөрэтэр үлэтигэр тирэх, көмө буоларгар истиҥ махтал тыллары этэбит! Оҕону иитии оруолун үрдүктүк тутарыҥ, оскуоланы кытары ситимнээх сыһыаныҥ, кэнчээри ыччат сайдарыгар көмөҥ, үүнэр көлүөнэ ыччакка үтүөнэн эрэ эргийэрин табатык өйдөөн, дьону-сэргэни, биир дойдулаахтарбытын көҕүлээн, оскуола улэтэ сайдарын, тупсарын туһугар кыһалларгын үрдүктүк сыаналыыбыт.

Үтүө майгыгынан, муударай дууһаҕынан, ылыммыт
дьыалаҕар бэриниигинэн, үрдүк эппиэтинэскинэн үөрэнээччилэргэ, төрөппүттэргэ үтүө холобур буолаҕын. Үүнэр көлүөнэ үтүөнү кэрэхсиир, үөрэххэ-сайдыыга тардыһыылаах, чэбдик, доруобай, сиэрдээх-майгылаах буола улаатарыгар инникитин да бииргэ үлэлиэхпит диэн эрэнэбит.

Нюргуяна Хорунова, дириэктэри иитэр үлэҕэ солбуйааччы

@uamurusahargata
@ulusmedia


Репост из: УУС АЛДАН | "Мүрү саһарҕата"
📍Улуустааҕы “Мүрү саһарҕата” хаһыакка сыл иккис аҥаарыгар муус устар 8 күнүттэн 18 күнүгэр диэри почтанан чэпчэтиилээх сурутууну куоттарыма!📰🗞✅

Сурутуу сыаната:

Аадырыска диэри тиэрдии 1 ыйга – 91,36 солк.
Аадырыска диэри тиэрдии 6 ыйга – 548,16 солк.

Почтаттан ылыы 1 ыйга – 88,72 солк.
Почтаттан ылыы 6 ыйга – 532, 32 солк.

@uamurusahargata
@ulusmedia

Показано 7 последних публикаций.