УУС АЛДАН | "Мүрү саһарҕата"

👍 Бэрт Ууһун нэһилиэгэр “Мэкэри” диэн хаһаайыстыба баарын 2000-ча сыллар саҕаланыыларыттан истэбин-билэбин. Бу биир дьиэ кэргэн удьуордаан тутан олорор хаһаайыстыбата диэтэххэ улахан сыыстарыы буолбата буолуо. Хаһаайыстыбаны тэрийбит киһинэн Черкашиннар диэн халыҥ аймах бас-көс киһитэ Гаврил Черкашин буолар. Кини үлэһит буолуоҕуттан тыа хаһаайыстыбатыгар үлэлээбит киһи быһыытынан сопхуос ыһыллыытыгар бааһынай хаһаайыстыба тэринэн нэһилиэгин дьонун үлэнэн хааччыйа олорбута.

Биир сайын мин кини хаһаайыстыбатыгар ыалдьыттаан турабын. Оччолорго хаһаайыстыба аата “Хаҥа” диэн этэ. Үлэтин хайысхатын уларытан бурдук, оҕуруот аһын үүннэрэн эрэрэ. Онтон бурдук үүннэрэр буоллахха, сылгы ииттэргэ табыгастаах эбит диэн Мэкэри сайылыгы сөргүтэн, онно сүрүн олорор, үлэни-хамнаһы тэрийэр сир оҥостон, билигин онно сылгы үөрэ тоҕуоруһар буолла. Гаврил Гаврильевич били¬гин үлэттэн тэйэн хаһаайыстыбаны уолугар Олегка олоччу туттаран, утума салҕанан баран иһэр.

Сиһилии Афанасий Копырин
👉БАТТАА

✅@uamurusahargata @ulusmedia

🔥 Сырылатан куйаас күннэрбит ааһан эрэллэр быһыылаах. Кэлэр күннэргэ 30-ча кыраадыстаах куйаас тар биллибэттэр. Онон сайыммыт барахсан куйаас күннэрин "быраһаай" диибит.

☀️ Бүгүн сарсыарда 6 чааска Бороҕоҥҥо 17 кыраадыс сылаас буолбут. Күнүс 24-26 кыраадыс сылаас буолара күүтүллэр. Сөкүүндэҕэ 3 м түргэннээхтик үрэр тыаллаах ыраас күн.

🔥От ыйын куйааһа, аҕыйах хонукка да буоллар, элбэҕи оҥорон баран эрэр. Үрэх сиргэ от лаппа эбилиннэ, уута тардан эрэр дииллэр. Сир аһа да олох мэлиппэтэ быһыылаах. Моонньоҕон хайдах эбитэ буолла?

✍️Афанасий Сектяев

📸Александра Черкашина

✅ @uamurusahargata @ulusmedia

🌿 ОТ ЫЙЫН 27 КҮНЭ

♈️Хой

Кимиэхэ эрэнэри быһаара сатаан уустуктары көрсүөҥ. Албыннатыаххын баҕарбат буоллаххына, тохтуу түһэр ордук. Үлэ көрдөнөргө табыгастаах күн.

♉️Оҕус

Бүгүн – эн күнүҥ. Барытыгар чэпчэкитик сыһыаннас. Чугас дьонуҥ бэлэх биэрэн, болҕомто ууран үөрдүөхтэрэ.

♊️Игирэлэр

Аһара аралдьыйан бу күн устата үлэҕин эрэ саныаҥ суоҕа. Тапталлааххын кытта сынньалаҥы былааннаа.

♋️Рак

Кимтэн эрэ көмө көрдүүрүҥ туһата суох – таах-сибиэ буолуоҕа, эбиитин ороскуокка тэбиллиэҥ. Үлҕэр үрдүк дуоһунаска аныахтарын сөп.

♌️Хахай

Эбиэккэ эрэ диэри уустуктары көрсүөҥ. Көһүппэтэх тургутуугун ааһыаҥ: ким эрэ уган биэриэҕэ эбэтэр утары барыаҕа. Күн иккис аҥаарыгар уоскуйуоҥ уонна үөрүү кэлиэҕэ.

♍️Кыыс

Тиэтэйбэт ордук. Ыксаллаах санаа мэһэй эрэ буолуоҕа. Информацияны хомуйарга бириэмэтэ анаа. Ымпыгар-чымпыгар тиийэ оҥоһуллубут былаан наада.

♎️Ыйааһыннар

Дьикти түгэҥҥэ эрэммэккэ, бэйэҥ эрэ ылыстаххына элбэҕи ситиһиэҥ. Соторутааҕыта этиспит дьоҥҥун кытта эйэлэһиэҥ.

♏️Скорпион

Күҥҥүн төһө кыалларынан туһалаахтык атаар. Дьиэҕэр элбэҕи оҥоруохтааҕыҥ, үлэҕэр даҕаны ситиһиэхтээҕиҥ элбэх. Ыарахан сыаналаах малы атыыдаспыт буоллаххына, киһиргиириҥ табыллыбат.

♐️Охчут

Үлэҕэр улахан ситиһиилэниэххин сөп. Ол эрээри сорох Охчуттар үлэ туһунан букатын саныахтара суоҕа – инники былааҥҥа тус олохторо буолуоҕа.

♑️Чубуку

Бу күн сиппэтэҕи ситэрэргэ, генеральнай уборка оҥорорго, түмүктэри таһаарарга анаммыт күн. Саҥаны саҕалыыртан туттун.

♒️Күрүлгэн

Ылбычча быһыыланна диэн чугас дьонуҥ эн быһаарыныыгын сөбүлүөхтэрэ суоҕа. Онон былааҥҥын элбэх киһиэхэ ыһа-тоҕо кэпсииртэн туттун. Ол оннугар сыалгар-соруккар болҕомтоҕун уур. Күн бүтүүтэ эн сөпкө оҥорбуккун бары билиниэхтэрэ.

♓️Балыктар

Күнүҥ куһаҕана суох салаллан иһиэҕэ эрээри эн баҕаҥ туолуо суоҕа. Уруккуну-хойуккуну санаан ааспыт кэмҥэ төннөн ылыаҥ. Курус санааҕа ыллардаххына, тута ыытарга кыһан.

✅ @uamurusahargata @ulusmedia

#БороҕоннооҕуРЭСиһитиннэрэр

⚡️От ыйын 27 күнүттэн 29 күнүгэр диэри 10 кВ күүрүүлээх Л-Матта уот ситимигэр Р-49 тирэхтэн Балаҕаннаахха диэри мульчерынан просеканы ыраастыыр үлэ оҥоһулларынан сарсыарда 9.00-тан киэһэ 20.30-га диэри Балаҕаннаахха уоту араарыахтара.

⚡️От ыйын 29 күнүгэр 10 кВ күүрүүлээх Л-Матта уот ситимигэр оперативнай көһөрүүлэр кэмнэригэр 10-00 чаастан 11.00 чааска диэри уонна 14.00 чаастан 15.00 чааска диэри быстах араарыылар Арыылаахха, Бэйдиҥэҕэ, Окоемовкаҕа уонна Уус Күөлүгэр оҥоһуллуохтара.

✅ @uamurusahargata @ulusmedia

#БороҕоннооҕуРЭСиһитиннэрэр

⚡️ Хомустаах бөһүөлэгэр 0.4 кВ күүрүүлээх уот ситимигэр хапытаалынай өрөмүөн үлэтэ оҥоһулларынан атырдьах ыйын 5 күнүттэн саҕалаан ый бүтүөр диэри үлэ күннэригэр (субуотаҕа, баскыһыанньаҕа арахсыбат) сарсыарда 8.30-тан киэһэ 20.00 чааска диэри бөһүөлэк иһигэр үлэ хаамыытынан (учаастактарынан) уоту араарыылар буолуохтара.

✅ @uamurusahargata @ulusmedia

✊ Бүгүн Майаҕас бөһүөлэгэр олохтоох библиотекаҕа "Якутия с тобой!" республикатааҕы штаб иистэнэр сыаҕын үлэтин штаб сопредседателэ Анна Ефимова билиһиннэриэҕэ.

Көрсүһүүгэ Анна Николаевна иистэнэр сыах байыаннай дьайыыга сылдьар уолаттарбытыгар анаан тугу тигэрин быыстапкалаан көрдөрүөҕэ, ону таһынан маастар кылаас ыытыаҕа. СВО-ҕа сылдьар киһиэхэ тус бэйэтигэр аадырыстаах баһыылка хайдах ыытылларын, уолаттар ордук туохха наадыйалларын кэпсиэҕэ.

Кинини кытта бүгүҥҥү көрсүһүүгэ Дьокуускай куоракка Уус Алдан улууһун түмсүүтүн салайар Егор Неустроев ыалдьыттыаҕа. Билэрбит курдук, Уус Алдан түмсүүтэ “Якутия с тобой!” республикатааҕы штабы кытта ыкса сибээстээхтик үлэлиир, түмсүү чилиэттэрэ – киин куоракка олорор биир дойдулаахтарбыт штабка өрүү сылдьаллар, көмө буолаллар. Егор Егорович этэринэн, кинилэр ортолоругар дьиҥнээх патриоттар бааллар, штабка күн аайы сылдьар, сарсыардаттан киэһээҥҥэ диэри иистэнэр, атын да көмөнү оҥорор дьоммут элбэх. Кинилэр бука бары бэйэлэрин баҕаларынан буор-босхо үлэлииллэр.

Оттон бүгүн Майаҕас библиотекатыгар буолар көрсүһүүгэ киэһэ 17.00 чаастан ким баҕалаах тиийиэн сөп. Кыттааччылар выкройканы устан ыларга улахан кээмэйдээх кумааҕылаах (обуой эбэтэр хаһыат), харандаас эбэтэр уруучука, кыптыый, линейка, ону сэргэ иистэнэр массыына илдьэ барыаххытын сөп. Маастар кылааска Анна Ефимова 10-ча көрүҥ тигии оҥоһук хайдах туох тигиллэрин сиһилии кэпсиэҕэ, көрдөрүөҕэ.

✅ @uamurusahargata @ulusmedia

⏺ Байыаннай дьайыыга сылдьааччыларга аналлаах “Эрэл” фондаттан 2024 сыл иккис кыбаарталыгар ороскуоттаммыт үп отчуота "Мүрү саһарҕата" хаһыат бүгүҥҥү нүөмэригэр уонна хаһыат саайтыгар таҕыста
👉 БАТТАА

“Эрэл” фондаҕа 2024 сыл олунньу 23 күнүттэн от ыйын 12 күнүгэр диэри 8 506 191,35 солкуобай киирбит. Мантан 7 894 233,4 солкуобай туттуллубут, фонда счетугар 684 083,36 солк. хаалбыт.

✅ @uamurusahargata @ulusmedia

⏺ Ханан да буоларын курдук, Бээрийэ нэһилиэгин ходуһаларыгар от ыйын саҥатыгар түспүт ардахтар кэн­нэ балай да ото уһаан, хойдон, отчуттар бары окко киирэн үлэлии сылдьаллар. От үүнүүтэ орто диэн санаара бөҕөх, халлаан эрэ туран биэрдэр үрдүк хаачыстыбалаах от оттонуоҕа.

Бастакы хотуур ото сүмэһиннээх буолан, куурара бытаан, ону сөпкө куурдуохха наада. Сөптөөхтүк хаппыт оту ылан илиигэ жгут курдук эрийдэххэ, төттөрү өһүллүөхтээх. Маны ханнык баҕарар көрүҥүнэн (бугуллааһын, рулоннааһын, пресс) оттуур дьон бары тутуһуохтаахтар.

Нэһилиэкпитигэр ынах сүөһү барыта чааһынай бас билиигэ баар, үүт туттарыллыбат. Ол да буоллар, ыйын аайы ыаллар ынахтарын үүтүн олохтоох ветеринарнай пууҥҥа мастит ыарыыга бэрэбиэркэлэтэллэр. Бу эмиэ бэйэ аһыыр аһа үчүгэй хаачыстыбалаах буо­ларын хонтуруоллааһын, бэйэ доруобуйатын көрүнүү буолар.

Ынах сүөһү төрөөһүнэ бүтэн, бу күн­нэргэ бүтэһик ньирэйдэри биркалаан «РегАгро» программаҕа киллэрии, сүөһү модьуун ыарыытын утары быһыы оҥоһуллан бүттэ. Маны таһынан саҥа төрөөт да атаҕа тостубут (ийэтэ тосту үктээбит буолуон сөп) ньирэйи атаҕын ветбыраас гипсэлээн, хаһаайка 73 саастаах Агафья Охлопкова оҕолуу бүөбэйдээн, ньирэй билигин бэрткэ хаамар, ийэтин кытта сыһыыга тэҥҥэ сылдьар буолла.

Быйыл күһүн Российскай Федерация Бырабыыталыстыбатын муус устар 5 күнүнээҕи 550 нүөмэрдээх дьаһалыгар олоҕуран сылгы барыта чиптэнэн “Рег­Агро” программаҕа киириэхтээх, онно бэлэмнэнэн хас биирдии сылгылаах киһи «Меркурий» программаҕа регис­трациялаах буолуохтаах. Бу программаҕа киирэргэ сылгылаах дьон бары сайабылыанньа суруйар, бланкалар олохтоох ветеринарнай учаастактарга, пууннарга бааллар.

Саргылаана Бурнашева, ветеринарнай быраас | мюрюгазета.рф

✅ @uamurusahargata @ulusmedia

🤌 Быйыл сайын буолбатах сылаас түүн ааста. Бөлүүн сылаас 20 кыраадыстан түспэтэ. Маннык сылаас түүнү билбэтэх ыраатта.

⛈Бүгүн сарсыарда 6 чааска Бороҕоҥҥо 23 кыраадыс сылаас буолбут. Күнүс 30-32 кыраадыс куйаас буолара күүтүллэр. Сөкүүндэҕэ 3 м түргэннээхтик үрэр уларыйа сылдьар тыаллаах ыраас күн. Эбиэт кэнниттэн этиҥнээх ардах түһүөн сөбүн сабаҕалыыллар.

☀️ От ыйа буоларын курдук куйааһын сатыылаан ааһан эрэр. Ый бүтэһик күннэригэр диэри маннык күннэр тураллара күүтүллэр. Сайын үтүөтэ диэн бу буоллаҕа.

✍️ Афанасий Сектяев

📸 Мария Оготоева. Дьокуускай

✅ @uamurusahargata @ulusmedia

🌿 ОТ ЫЙЫН 26 КҮНЭ

♈️Хой

Сэрэхтээх буол – бэйэҥ күүһүҥ-кыаҕыҥ таһынан аһара барыма. Олус элбэҕи толорорго ылыныма, тылгын биэримэ. Бу күн эйиэхэ айылҕаҕа чуумпу сынньалаҥҥа барсар.

♉️Оҕус

Дьахталлары кытта кэпсэтэргэ табыгастаах күн. Бэртээхэй сүбэ ылыаххын сөп. Эбиэт кэнниттэн айаҥҥа турунуоххун сөп. Суолга интэриэһинэй билсиһии күүтэр.

♊️Игирэлэр

Соччото суох түгэн буолуон сөп – ону быһаарар кыахтааххын. Туох да буоллун, үчүгэй настырыанньаҕын алдьатыма, санааҕар тутума. Харчы кэлиэн сөп эбэтэр бэлэх тутуоҥ.

♋️Рак

Быһаарыныы ылына охсорго ыксаама. Тохтоон, уоскуйа түһэн толкуйдаа. Сулустар бүгүн улахан ороскуоттан сэрэхтээх буоларга сүбэлииллэр. Дьиэ кэргэҥҥин кытта бырааһынньык тэрийэн сынньаныаххын сөп.

♌️Хахай

Элбэх үөрүүнү аҕалар күн үүммүт. Сөпсөспөт буолуу баар да буоллаҕына, сөптөөх түмүккэ кэлэн барыта орун-оннугар түһүөҕэ. Киэһэ соһуччу көрсүһүү күүтэр эбэтэр ыалдьыттар кэлиэхтэрин сөп.

♍️Дева

Кыһаллыбытыҥ мээнэҕэ буолбатаҕын билиэҥ. Атын ким да кыайбатаҕын, оҥорботоҕун ситиһиэҥ. Күрэхтэһиигэ кыайыылаах тахсыаххын сөп. Киэһэ интэриэһинэй бэсиэдэҕэ кыттыһан дуоһуйуоҥ.

♎️Ыйааһыннар

Үлэҕэр үөскээбит кыһалҕаны быһаарарга бэйэҥ уопуккар тирэҕир. Эксперименниир наадата суох. Тыҥааһыннаах түгэн баар буолуоҕа – онно түргэнник хамсанар ордук.

♏️Скорпион

Былааҥҥын төрдүттэн уларытар түгэн үөскүөҕэ. Эрдэ кэпсэппит, сөбүлэспит дьонуҥ уларыйан хаалыахтарын сөп. Ол эрээри ити быдан ордук эбит диэн кэнники өйдүөҥ. Бээтинсэ күнүм соччото суох саҕаланна дии сылдьыбытыҥ киэһэ санааҥ уларыйыаҕа.

♐️Охчут

Күнүҥ ыарахан соҕустук саҕаланыаҕа: кэллиэгэлэргин, партнердаргын кытта сыһыаҥҥыт тыҥаан биэриэҕэ. Оннкюук түгэн тахсыах курдук буоллаҕына, туора туттар, кыттыспат ордук. Киэһэ дьиэ кэргэҥҥэр сыһыаннаах сонуну истиэҥ.

♑️Чубуку

Дьулуурум суох дии саныаҥ. Ол эрээри оҥорор дьыалаҥ туһунан элбэх информацияны хасыһан булуоххун, онно сыһыаннаах дьон сүбэлэрин туһаныаххын наада.
Үөрэнэргэ, идэҥ таһымыны үрдэтинэргэ табыгастаах кэм.

♒️Күрүлгэн

Күрүлгэннэр айар-тутар дьарыккытыгар "оройгутунан түһүөххүт", онтугут ситиһиилээх буолуоҕа. Уруккуну саҥалыы көрөр түгэн тосхойуоҕа, тугу эрэ саҥаны арыйыаххыт.

♓️Балыктар

Сарсыарда үлэҕит табыллыаҕа. Элбэҕи оҥоруоххут, бүтэриэххит-оһоруоххут. Ол эрээри күн иккис аҥаарыгар аһара сылайбыккытын билиэххит. Онон үчүгэйдик сынньанар ордук. Киэһэ туохтан эрэ наһаа соһуйуоххут.

✅ @uamurusahargata

Центр занятости населения Усть-Алданского улуса объявляет набор на бесплатные курсы "ЧАСТНЫЙ ОХРАННИК 6 разряд" (с ношением огнестрельного оружия, для граждан достигших 21 лет и старше)

Период обучения 29.07.24-03.08.24

Все расходы по медосмотру, проживанию, проезду возмещаются

☎️ Запись по тел +7 (961) 869-95-46