Табыгастаах тэрили бэйэтэ да, сүөһүлэрэ да "биһирээбиттэр"
☀️🌿 Быйылгы кураан сайын сүөһү мэччийэ сылдьан уулуур уута суоҕун тэҥэ. Хара олохтооҕо Федот Харитонов дьиэтин таһыгар, далга ынах, сибиинньэ уулатар оҥорбут.
💦 - Урут ууну иһиккэ кутан биэрэр этибит. Ону арыт киртитэн, сороҕор тоҕон-хорон кэбиһэллэрэ. Хатастааҕы комплекстан сибиинньэ оҕотун ыларбар уу ситимигэр холбоммут анал уулатартан иһэ үөрэммиттэрин сэргии көрбүтүм, - диэн кэпсиир.
🚿 Кэлэн баран улахан уу куттарар иһититтэн турба тардыбыт, онно куйаар ситиминэн сакаастаан ылбыт сибиинньэ, сүөһү уулатарын (поилка) холбообут.
🐖 - Ити тэрилтэн уулуу үөрүйэх сибиинньэ кэлбитэ, оттон ньирэйдэр, ынахтар начаас үөрэннилэр. Бэл, цистернаҕа массыына уу кутар тыаһын иһиттэхтэринэ уулатар тэриллэригэр сүүрэн кэлэллэр, - диир.
🐄 Уулатар баар буолан дьиэ кыыллара баҕардылар да хаһан баҕарар ыраас ууну иһэ сылдьаллар итиэннэ уу таах тохторо быдан аҕыйаата диэн хайгыыр.
🤝 "Баҕар, биир эмэ сэргээбит киһи бу сүбэни туһаннар абыраныа этэ", - диэн санааттан үллэстэр.
@gazetaerkeii
@ulusmedia
☀️🌿 Быйылгы кураан сайын сүөһү мэччийэ сылдьан уулуур уута суоҕун тэҥэ. Хара олохтооҕо Федот Харитонов дьиэтин таһыгар, далга ынах, сибиинньэ уулатар оҥорбут.
💦 - Урут ууну иһиккэ кутан биэрэр этибит. Ону арыт киртитэн, сороҕор тоҕон-хорон кэбиһэллэрэ. Хатастааҕы комплекстан сибиинньэ оҕотун ыларбар уу ситимигэр холбоммут анал уулатартан иһэ үөрэммиттэрин сэргии көрбүтүм, - диэн кэпсиир.
🚿 Кэлэн баран улахан уу куттарар иһититтэн турба тардыбыт, онно куйаар ситиминэн сакаастаан ылбыт сибиинньэ, сүөһү уулатарын (поилка) холбообут.
🐖 - Ити тэрилтэн уулуу үөрүйэх сибиинньэ кэлбитэ, оттон ньирэйдэр, ынахтар начаас үөрэннилэр. Бэл, цистернаҕа массыына уу кутар тыаһын иһиттэхтэринэ уулатар тэриллэригэр сүүрэн кэлэллэр, - диир.
🐄 Уулатар баар буолан дьиэ кыыллара баҕардылар да хаһан баҕарар ыраас ууну иһэ сылдьаллар итиэннэ уу таах тохторо быдан аҕыйаата диэн хайгыыр.
🤝 "Баҕар, биир эмэ сэргээбит киһи бу сүбэни туһаннар абыраныа этэ", - диэн санааттан үллэстэр.
@gazetaerkeii
@ulusmedia