ထိုင်းသရဲကားများ

2011 ကထွက်ရှိထားတဲ့ ဆုပေါင်းများစွာ ဆွတ်ခူးရရှိထားတဲ့ old but gold movieလေးတစ်ကားကို  Ash horror fan တို့ ကြည့်ရှုခံစားနိုင်ဖို့ တင်ဆက်ပေးလိုက်ပါပြီ။ IMDb 6.2 ပိုင်ဆိုင်ထားတဲ့ရုပ်ရှင်လေးမလို့ မကြည့်ရသေးဘူးဆိုရင်တော့ ခုပဲလက်မနှေး ရှုစားလိုက်ရအောင်ပါ။

ငယ်ငယ်ရွယ်ရွယ် ကျောင်းသူဘဝနဲ့တင် မမျှော်လင့်ဘဲ ကိုယ်ဝန်ရသွားတဲ့ ပန်နဲ့ထီတို့စုံတွဲဟာ အခြေအနေအရ လက်ထပ်လိုက်ကြပေမဲ့ ကလေးကိုစောင့်ရှောက်ဖို့ အဆင်သင့်မဖြစ်သေးတာကြောင့် ပန်ရဲ့အမေဖြစ်သူဆီမှာ သမီးဦးလေးဖြစ်တဲ့နန်ကို အပ်ထားရတာပေါ့။ မိမိဆီမှာ ရွှေပေါ်မြတင်နေရတဲ့သမီးဖြစ်သူက ထီနဲ့အတူ လိုက်ဒုက္ခခံနေရတာကြောင့် မကြည်ဖြူတဲ့ဘွားအေလက်မှာ ကြီးပြင်းလာရတဲ့နန်ကလည်း အဖေနဲ့အမေက သူ့ကိုအဘွားနဲ့ပစ်ထားတဲ့ဆိုတဲ့စိတ်တွေဝင်နေတဲ့ ဂျစ်ကန်ကန်ကလေးမလေးပေါ့။ ဒီလိုနဲ့ မိသားစုသိုက်သိုက်ဝန်းဝန်းနေဖို့ စိတ်စောနေတဲ့ထီတစ်ယောက် လုပ်ငန်းအခိုင်အမာရှိသည်မရှိသည်မတွေးတော့ဘဲ လဒ်ဒါလန်းဆိုတဲ့ရွာမှာတွေ့တဲ့အိမ်တစ်လုံးကို ဇွတ်ဝယ်ချလိုက်ပြီး နန်ကိုပါအဘွားဆီက ပြန်ခေါ်လို့ အတူနေကြတဲ့အခါ...

ဘေးအိမ်မှာ သူတို့ပြောင်းပြီးမကြာခင်မှာပဲ ဘေးအိမ်က မြန်မာအိမ်အကူအမျိုးသမီးသေဆုံးရာကစလို့ Home Sweet Homeကနေ သရဲခြောက်တယ်ဆိုပြီး Home Scare Homeဖြစ်သွားတဲ့ သူတို့မိသားစု ၄ ယောက်၊ သရဲခြောက်ပါတယ်ဆိုတာကို ‌ခေါင်းမာပြီးဇွတ်နေနေတဲ့ထီနဲ့ သရဲခြောက်ခံရလို့ ဘယ်လိုမှဆက်မနေနိုင်တော့တဲ့ မိသားစုတွေကြား ဘယ်လိုတွေဆက်ဖြစ်ကြမလဲ။ သူတို့ရဲ့ဘေးအိမ်မှာရော ဘာတွေဖြစ်ခဲ့တာလဲဆိုတာ အားလုံးအတူ ရှုစားလိုက်ရအောင်ပါ။