Купить живой трафик

2 руб / подписчик

Статистика Избранное

Газета "Ньурба" / Нюрбинский улус

@gazetanyurba

Гео и язык канала: Россия, Русский

Категория: Новости и СМИ

По вопросам сотрудничества и рекламы: +7 (914) 271-07-05

Связанные каналы | Похожие каналы

Гео и язык канала

Россия, Русский

Категория

Новости и СМИ

Статистика

Избранное

Фильтр публикаций

Скрывать удаленные

Скрывать репосты

Газета "Ньурба" / Нюрбинский улус

11 Oct, 03:02

Репост из: Иннокентьев Алексей Михайлович

Арассыыйаҕа Тыа хаһаайыстыбатын үлэһиттэрин күнүнэн!
Ытыктабыллаах Ньурба оройуонун тыатын хаһаайыстыбатын уонна астыыр-үөллүүр салаатын үлэһиттэрэ, бэтэрээннэрэ!
"Ньурба оройуона" муниципальнай оройуон Дьаһалтатын уонна оройуон дьокутааттарын Сүбэтин аатыттан эһигини бүгүн Арассыыйа үрдүнэн бэлиэтэнэр идэлээх бырааһынньыккынан итиитик-истиҥник эҕэрдэлиибит!
Эһиги үлэҕит - дойду ас-үөл өттүнэн куттала суох буолуутун төрдө, дойдубут экэниэмикэтэ туруктаах уонна эрэллээх буолуутун мэктиэтэ. Тыа хаһаайыстыбатын үлэһиттэрин эппиэтинэстээх үлэлэрин түмүгэр дьон хаачыстыбалаах аһынан-үөлүнэн хааччыллар. Эһиги оройуоммут сайдыытыгар, үлэ миэстэлэрин тэрийиигэ уонна дьон олоҕун усулуобуйатын тупсарыыга улахан кылааккытын киллэрэҕит. Эһиги үлэҕит ураты маастарыстыбаны, уопуту, тулууру-дьулууру уонна сиргэ тапталы эрэйэр. Быйылгы идэлээх бырааһынньыгы көрсө, Антоновка агро-оскуолата - Бүтүн Арассыыйатааҕы "Көмүс күһүн-2026" быыстапка- дьаарбаҥкаҕа, Ньурбатааҕы мелиорация тэрилтэтэ уонна "Сиибиктэ" бааһынай хаһаайыстыба - өрөспүүбүлүкэ таһымыгар ситиһиилэринэн биһигини улаханнык үөртүлэр. Биһиги эһигинэн киэн туттабыт.
Быйыл сайын окко, сиилэскэ, бурдукка уо.д.а. тиэрдиллибит былааннар туоллулар. Сүөһү-сылгы иитиитигэр, сири кытта үлэҕэ, мелиорацияҕа, тыа хаһаайыстыбатын эбийиэктэрин тутууга, астыыр-үөллүүр салааҕа үлэ былааннаахтык ыытылла турар. Сүөһүттэн ылыллар бородууксуйаны элбэтиигэ, өр сыллар тухары нэһилиэнньэ сүрүн дьарыга буолбут салаа бигэ үлэлээх-хамнастаах буолан дьон дьарыктаах буолуутугар, дьон дохуота элбии турарыгар улахан болҕомто ууруллар.
Ытыктабыллаах тыа хаһаайыстыбатын уонна астыыр-үөллүүр салаа үлэһиттэрэ, бэтэрээннэрэ! Эһиэхэ үлэҕитигэр ситиһиилэри, кытаанах доруобуйаны, тус олоххутугар дьолу-соргуну уонна табыллыыны баҕарабыт.

"Ньурба оройуона" МО баһылыга А.М.ИННОКЕНТЬЕВ.
Ньурба оройуона" МО дьокутааттарын Сүбэтин бэрэссэдээтэлэ Н.М.МИХАЙЛОВА.

35 0 0 1

Газета "Ньурба" / Нюрбинский улус

10 Oct, 14:42

03:03

Видео недоступно для предпросмотра

Смотреть в Telegram

Ньурба улууһугар хаарбах, саахалланар туруктаах дьиэлэртэн олохтоохтору көһөрүү тосхол туолуута көхтөөхтүк ыытыллар.

Ол курдук, Ньурба куоратыгар ааҕан көрдөххө, 2019 сылтан хас сылын аайы саҥа дьиэ дэндэйэр, манна тус сыаллаах федеральнай бырагыраамма улахан төһүү күүс буолар.

Бу туһунан сиһилии кэлэр сюжекка.

Улуус дьаһалтатын пресс-сулууспата.

@gszetanyurba @ulusmedia

173 0 1 2

Газета "Ньурба" / Нюрбинский улус

10 Oct, 06:08

Бэҕэһээ, алтынньы 9 күнүгэр, Сүлэ нэһилиэгэр субуотунньук ыытылынна.

🚜 Дьоҕус сынньалаҥ пааркабыт ыраастааһыныгар нэһилиэкпит эр дьоно түмсэн, үлэ-хамнас тигинээн олордо. Нэһилиэк баһылыга Дмитрий Юрьевич эмиэ сырытта, олохтоохторун үлэҕэ көҕүлээтэ.

Үлэ түмүгэр сынньалаҥ паарка сирэ-уота ыраастанна. Эр дьон бэйэлэрин тиэхиньикэлэринэн паарка хаппыт маһын эрбээтилэр уонна тута тиэйэн истилэр.

🪵Уопсайа 15 ыалга — Анал байыаннай дьайыы кыттыылаахтарын дьиэ кэргэттэригэр уонна аҕам саастаах бэтэрээннэргэ оттук маһы бэлэмнээн киллэрэн биэрдилэр.

Сиһилии саайтка уонна социальнай ситимнэргэ ааҕыҥ.
👇 👇 👇
https://max.ru/channel_ogninyurby/AaEjw0bNLoQ

https://vk.ru/wall-211843568_10338

https://ok.ru/group/61099005837456/topic/158724294285456

@gazetanyurba @ulusmedia

232 0 1 4

Газета "Ньурба" / Нюрбинский улус

9 Oct, 13:29

Бүгүн, алтынньы 9 күнүгэр, Ньурбатааҕы сүөһү аһылыгын хампаанньатын дириэктэрэ Александр Илистяровы кытта хаһыат кэрэспэдьиэнэ Геннадий Антонов Кураан бааһынатыгар киирэ сырытта.

🚜Мелиорация бульдозериһа Василий Винокуров быйыл уруккута «Сүлэ» сопхуос кырдьаҕас комбайнера Борис Игнатьевич Андреевка үөрэнэн комбайн уруулун туппут. Бааһына биир өттүгэр пресс-подборщигынан сенажтыы сылдьаллар.

💬 - Быйыл үчүгэй, көхтөөх үлэ барда диэн улаханнык үөрэбин. Бастайааннай үлэһитим суох буолан, дьону дуогабарынан үлэлэтэбит. Элбэх киһи көмөлөстө.

🌾Бурдукпут былырыыҥҥытааҕар элбэх. Былааннаах 250 т бурдукпут номнуо баар диэххэ сөп, - диэн
Александр Иванович кэпсиир.

Сиһилии саайтка ааҕыҥ: ⤵️ ⤵️
https://xn--90adptbcs3gya.xn--p1ai/burduk-homuurugar-biir-sanaanan-turunan/

@gazeyanyurba @ulusmedia

395 1 2 5

Газета "Ньурба" / Нюрбинский улус

9 Oct, 13:05

Бу күннэргэ Ньурбатааҕы сүөһү аһылыгын хампаанньата бурдугун хомуйан бүтэрэн эрэр.

Тэрилтэ былаана — 250 туонна, ыраастаммытынан 180-тан тахса туонна бурдуктаахтар. Мэлдьи буоларын курдук, быйыл эмиэ АГАТУ устудьуоннара кэлэн быраактыканы бара сылдьаллар. Кинилэр үлэлэрин тэрилтэ дириэктэрин солбуйааччыта Мария Кириллина мэлдьи көрөн-истэн салайар.

Бастаан балаҕан ыйын 8-22 күннэригэр инженернэй факультет 5 устудьуона кэлэн үлэлээбиттэр. Ааспыт ыйдааҕы уһун ардахха мэһэйдэтэн, хампаанньа АГАТУ-ны кытта кэпсэтэн, АГАТУ-лар иккис түһүмэххэ быраактыкаҕа эмиэ 5 устудьуону ыыппыттар.

Устудьуоннар Сүлэҕэ баар тэрилтэ базатыгар бурдугу ыраастаан, кууллаан бырысыапка тиэйэн ыскылаакка таһаллар. Үлэлээбиттэрэ 2 нэдиэлэ буолбут.

Геннадий АНТОНОВ сиһилии саайтка билиһиннэрдэ.

@gazetanyurba @ulusmedia

372 1 2 3

Газета "Ньурба" / Нюрбинский улус

9 Oct, 08:14

❗️🔊 Болҕойуҥ

Алтынньы 6-16 күннэригэр "Ньурба-Огни Нюрбы" хаһыакка 2027 сыл бастакы аҥаарыгар чэпчэтиилээх сурутуу декадата.

Аадырыска диэри — 857,58 солк.
Почтаттан ылыы — 820,56 солк.

❕ 1, 2 гр.инбэлииттэргэ чэпчэтии көрүллэр.

📲 Почта бары салааларыгар эбэтэр дьиэттэн тахсыбакка эрэ 8914-280-10-88 нүөмэргэ эрийэн эбэтэр суруйан суруттарыҥ.

@gazetanyurba @ulusmedia

255 0 0

Газета "Ньурба" / Нюрбинский улус

9 Oct, 07:30

Якутия набирает контрактников в войска беспилотных систем

В республике продолжается приём граждан на военную службу по контракту — в том числе в подразделения, специализирующиеся на применении беспилотных летательных аппаратов.

Пункты отбора работают с 09:00 до 18:00 без выходных по следующим адресам: – Якутск: ул. Чепалова, д. 23, и 11 км Сергеляхского шоссе, 1; – Нерюнгри: ул. Чурапчинская, 33, корп. 3; – Мирный: ул. 40 лет Октября, 26.

Дополнительную информацию можно получить в центрах отбора, военных комиссариатах, на сайте службапоконтракту14.рф, а также по телефонам: 8 (4112) 32-10-40 и 8 (924) 166-13-93 (круглосуточно).

259 0 0 5

Газета "Ньурба" / Нюрбинский улус

9 Oct, 06:51

Өр сылларга Күндээдэҕэ олорбут биир дойдулаахпыт, спорт бэтэрээнэ Петр Петрович Неустроев үлэҕэ-олоххо көхтөөх сыһыанынан, эрчиминэн элбэх дьону сөхтөрөр уонна холобур буолар.

Кини «Ньурба» сопхуос Күндээдэтээҕи отделениетыгар биригэдьиирдээбитэ, онтон сибээскэ үлэлээбитэ. «Харысхал» аҕалар түмсүүлэрин актыыбынай чилиэнэ этэ.

🏹Кырдьар сааһыгар ох саанан ытыынан утумнаахтык дьарыктанан, 76 сааһыгар «Сахаада» спордун маастарын нуорматын толорбута. Дойду араас регионнарынан, кыраныысса таһыгар Монголияҕа тиийэ араас күрэхтэһиилэргэ кыттар.

Быйыл 78 сааһыгар Чурапчытааҕы физкултуура уонна спорт институтун 6 ыйдаах үөрэҕин бүтэрэн, ат үрдүттэн оҕунан ытыы тириэньэрин идэтин баһылаата. Истэр тухары маннык түгэн суоҕа, дьикти диэтэҕиҥ.

Петр Петрович Неустроев туһунан «Ньурба» хаһыат кэлэр №-гэр ааҕаарыҥ.

✍ Геннадий АНТОНОВ.

@gazetanyurba @ulusmedia

645 1 7 5

Газета "Ньурба" / Нюрбинский улус

9 Oct, 04:34

🍂🍂🍁🍂🍁 Аҕам саастаахтарга ыытыллар декада чэрчитинэн бибилэтиэкэм эрэллээх, бэтэрээн ааҕааччыларбар Зоя Васильевна Егороваҕа, Данилова Акулина Дмитриевнаҕа улууспут 🗞️ "Ньурба" хаһыатын 2027 сыллааҕы сыл аҥаардаах сурутуутун бэлэхтээн дьиэлэригэр сылдьан квитанциялары туттардым.

✍Бибилэтиэкэр Тимофеева Е.С.

@hazetsnyurba @ulusmedia