Купить живой трафик

2 руб / подписчик

Статистика Избранное

Лезги Газет

Гео и язык канала: Россия, Русский

Категория: Новости и СМИ

Республиканская Общественно-политическая Газета
Эл.почта: lezgigazet@etnomediadag.ru

Связанные каналы | Похожие каналы

Гео и язык канала

Россия, Русский

Категория

Новости и СМИ

Статистика

Избранное

Фильтр публикаций

Скрывать удаленные

Скрывать репосты

Лезги Газет

10 Oct, 22:14

РикIел гъун

«А‌ят-уль-Курсий» (мана)

Аллагьди Къуръанда лагьанва (2-сура, 255-аят, мана):

Аллагь - авач ила‌гьи (ибадатдиз лайихлу тир) Адалай гъейри, (Ам) - (Гьамиша) Чан Алайди, (вири затIар Вичиз муьгьтеж яз, гьар са шей идара ийиз) Вири Кьиле Тухузвайди я; Ам - я суствили (муьргуь гьалди) я ахвари «кьазвай туш» (Адак я суствал, я ахвар акатзавай туш); (са) Адаз талукь я цавара вуч аватIани ва чилел вуч алатIани (виридан иеси Ам я). Вуж я ам Адан вилик «шафаатвал» ийиз жедайди, Адан изин аваз авунилай гъейри?! Адаз чизва абурун вилик квайдини (гележегни) ва абурулай кьулухъ галайдини (хьана алатнавайди, вири чизва), ва абуруз чизвач Адан чирвилерикай са шейни, Адаз (абуруз расулрилай чириз) кIан хьайи шейэрилай гъейри. Адан «Курсий»-да цавар ва чил (гегьеншдиз) гьакьнава (Адан Курсий гегьенш я цаварилайни чилелай. Курсий - Аршдихъ галаз алакъалу тир затI я, Адан кIвачер эцигдай чка я - сагьабий Ибн Аббаса баян гузвайвал), ва (гьич) залан туш Адаз абур кьведни (цавар ва чил) хуьн; ва Ам - Вине Авайди, ЧIехиди я! (И аятдин тIвар «А‌ят-уль-Курсий» я, ам виридалайни зурба аят яз гьисабзава, ам гьар кпIунин гуьгъуьнай ва ксудайла, ва маса чкайрални кIелун гзаф лайихлу кар я!)

Араб чIалай таржума авурди – диндин алим Ямин гьажи Луткунви.

[«Арш» - Тахт (Аллагьдин Тахт- Трон Аллаха)]

94 0 0 11

Лезги Газет

10 Oct, 12:37

✍️Къе, Лезги чIалан югъ къейдзавай 10-октябрдиз, Москвада авай лезгийри хайи чIалал диктант кхьида.

Мярекат лезгийрин милли медениятдин федеральный дережадин автономияди тешкилнава.

Идакай ФЛНКА-дин ТГ-каналди хабар гузва.

173 0 0 11

Лезги Газет

10 Oct, 12:34

Репост из: ЛЕЗГИ ЧlАЛ (Лезгинский язык)

❗10-октябрь Лезги чlалан югъ я!

Сувар мубаракрай вирибуруз! Чlал миллетдихъ авай виридалайни багьа хазина я. Гьам хуьх, гьадалди рахух, регъуь жемир, кичlе жемир!

📗 "ЛЕЗГИ ЧIАЛ (Лезгинский язык)"

144 0 1 7

Лезги Газет

10 Oct, 08:31

00:28

Видео недоступно для предпросмотра

Смотреть в Telegram

Дидеяр хуьх, играми стхаярни вахар!

⭕️Видео: @_gulyablog_

191 0 1 15

Лезги Газет

9 Oct, 18:30

РикIел гъун

Имандин гьакъикъи дад гьиссзавач. Вучиз?

Амма гзаф вахтара мусурманди имандин гьакъикъи дад гьиссзавач. Адан рикI къван хьиз жезва. И кардин себебни ам я хьи, ада диндин са бязи шейэр вичиз хкяна кьабулзава ва са бязибур, абур таквадай амалар ийиз, кьабул тийиз тазва. Диндай вичиз бегенмиш тир ва регьят аквазвай затI къачузва ва кьабулиз четин, залан аквазвай затI кьилиз акъудзавач, гьатта вичи ийизвай кар гунагь ятIани, ада и кар чин тийизвайдан ва я тахьайтIа адай вичин кьил акъат тийизвайдан амалар ийизва. Гьа и къайда вичи-вич алдатмиш авуникди, ада гунагь кIвалах давамарзава.

Пайгъамбарди (Аллагьдин салават ва салам хьурай вичиз) лагьана (мана): «За квез къадагъа авунвайдавай яргъа хьухь, (ва) за квез (ая лагьана) эмир ганвай крарикай вуч жедатIа, гьам ая…» (Бухарий, Муслим).

Гьасамудин Сефибегов, «Жуьмя йикъан вязер» ктаб, «Мусурмандин жавабдарвал» хутбадай, 240-чин.

219 0 0 3

Лезги Газет

9 Oct, 16:54

❗️Романаз баркалла!

Вичин ери-бине Ахцегь райондин Луткунрин хуьряй тир ва алай вахтунда хизанни галаз Къазахстандин Актау шегьерда яшамиш жезвай Роман Максумовакай боксдай Къазахстандин чемпион хьанва лагьай муштулухди чун кьадарсуз шадарна.

Жуван ватандаш ихьтин чIехи дережадиз акъатун, луткунвийрикай сифте яз боксдай къизилдин медаль къачун гьакъикъатдани тебрикуниз лайихлу я. Алай вахтунда ам Красноярск шегьерда дуьньядин чемпионатдиз гьазур жезва. Гележегда олимпиадада иштиракдай фикир ава.

Чна Романаз, жегьилдин сифте муаллим-тренервал авур спортсмен адан бубадиз, чIехи буба Шамилаз, Максумоврин чIехи вири сихилдиз, гьакI вири луткунвийриз и агалкьун рикIин сидкьидай мубаракзава.

ГьикI акъатна Максумовар Луткунай яргъал Къазахстандин Актау шегьердиз?Зегьметкеш чIехи хизандай тир Кериман хва Шамил, хайи хуьре лайихлудаказ хизан хуьдай кIвалах-мумкинвал авачиз, 1972-йисуз Къазахстандиз фена. Ана урус руш Эльбинадал эвленмиш хьана, кIвал-югъ кутуна. Абуруз пагьливанар хьтин кьве хва ава: Романни Желли. Сифте фялевилин гьар жуьре кIвалахар ийиз, ахпа хсуси фирма ачухна кIвалахиз, Шамил, инсанвилинни зегьметкешвилин къилихар себеб яз, чкадинбурун арада жуванди хьана. ИкI, коллективдин ва жемятдин арада лайихлу гьуьрмет къазанмишай Шамил алай вахтунда вичин тIвар алай фирмада, гьуьлуьн уькIуь яд (ана хъвадай михьи цикай кьитвал ава кьван) хъваз жедай михьидаз элкъуьрунин важиблу месэладал машгъул я. Мергьяматлувилинни ватанпересвилин ерийралди тербияламиш тир ада хуьруьнвийриз алакьдай куьмекарзава: ярар-дустарни хуьруьнвияр гьана кIвалахрик кутазва, кIеве гьатайбурун гъил кьазва ва икI мад.

✍️Автор: Дашдемир Шерифалиев

210 0 1 1 6

Лезги Газет

9 Oct, 08:34

00:14

Ухулрин хуьре. Ахцегь район

⭕️Видео: @akhtynsky

230 0 2 3 8

Лезги Газет

8 Oct, 18:14

РикIел гъун

Аллагьди Къуръанда лагьанва (25-сура, 43-44-аятар, мана):

«Акунани ваз (эй, Пайгъамбар) вичин гьевесар вичиз ила‌гьи яз кьунвайди (вичин нефсиниз кIан хьайи крариз, гьевесриз муьтIуьгъ хьанвайди - ила‌гьидиз муьтIуьгъ жедай жуьре), - бес, вун жедани ахьтиндал къаюм (ам а кардикай хуьдайди, а кардилай элкъуьрна имандал гъидайди)?! (43) Я тахьайтIа вуна абурун чIехи паюниз (гьахъдин делилрин) ван къвезвай хьиз ва я (абур) абурун акьулди кьатIузвай хьиз гьисабзавани? Абур, анжах гьайванар (малар) хьиз я, аксина, абур (гьайванрилайни) лапни ягъалмиш я (къанажагълувилин) рекьин гьакъиндай (гьайванар чубанрин са бязи гьарайрин гъавурда акьуна элкъвезва, амма ибуру, Пайгъамбарди чпиз хийир авай кардихъ эвер гайила, гьич жаваб гузвач) (44)».

Таржума авурди – диндин алим Ямин гьажи Луткунви.

[«Илагьи» – божество]

248 0 0 12

Лезги Газет

8 Oct, 12:36

❗️Мубаракрай!

Сентябрдин вацра пуд юкъуз давам хьайи сечкийрин нетижаяр кьуна акьалтIарнава. Россиядин Госдумадиз, РД-дин Халкьдин Собранидиз хкянавай депутатрин арада чи ватанэгьлиярни ава. Чи каналдиз акъатзавай хабарар кIелзавайбуруз чна абурукай куьруь малуматар гузва.

▪️РФ-дин Госдумадиз Дагъустандин патай цIи 8 депутат хкянава. Сапижат Мазаева, Энвер Набиев, Хизри Абакаров, Тагьир Хайбулаев, Шуми Шабатаев, Нурбаганд Нурбагандов, Мегьамед Валихов, Жамал Кьасумов.

✔️Абурукай сад - СВО-дин иштиракчи, Россиядин Игит Энвер Набиев лезги я (бинеяр – Ахцегь райондин Чеперин хуьряй).

✔️ГьакIни Госдумадин депутат яз хкянавайбурун арада бине Кьурагь райондин Гелхенрин хуьряй тир, виликдай Ульяновскдин областдин губернатордин заместитель яз кIвалахай Абдулгьамид Эмиргьамзаевни ава. Ам Ульяновскдин ва Самарадин областрин патай хкянава.

📍Чи ватанэгьлийрикай РД-дин Халкьдин Собранидин VIII созывдин депутатар хьанвайбурун арада ава:

🔴Имам Яралиев (СтIал Сулейманан район),
🔴Осман Абдулкеримов (Ахцегь район),
🔴Самир Абдулхаликьов (Кьурагь район),
🔴Девлетхан Алиев (Кьурагь район),
🔴Марат Алияров (СтIал Сулейманан район),
🔴Марат Мирзеханов (СтIал Сулейманан район),
🔴Мурад Мурадов (Докъузпара район),
🔴Омар Нагъиев (Мегьарамдхуьруьн район),
🔴Арсен Пирмегьамедов (СтIал Сулейманан район),
🔴Тельман Рагьимов (Дербент шегьер),
🔴Фирудин Ражабов (Докъузпара район),
🔴Аким Ханвердиев (Каспийск шегьер).

▪️ГьакIни чи ватанэгьлияр тир Сулейман Керимовакайни (Дагъустандин патай) РД-дин виликан кьил Сергей Меликовакай (Брянскдин областдин патай) Федерациядин Советдин членар (РФ-дин сенаторар) хьанва.

🤝«Лезги газетдин» редакциядин коллективди цIийиз хкянавай депутатриз, сенаторриз и агалкьун мубаракзава. Къуй чеб мадни еке дережайрив агакьрай! Чи халкьдихъ жуьреба-жуьре рекьерай гьялна кIанзавай месэлаяр тIимил авач. Депутатри и рекьени гьахълудаказ, намуслудаказ, чи ватанэгьлийрин итижар фикирда кьуна, кIвалахдайдак умуд кутазва.

229 0 1 5 7

Лезги Газет

8 Oct, 12:29

🎭Мукьвара Лезги театрдин кьилевайбуру ва актеррин са дестеди Грозный шегьерда «Федерация» лишандик кваз кьиле фейи милли театррин Вирироссиядин фестивалда иштиракна. СтIал Сулейманан тIварцIихъ галай театрди ана «Гельверан йиф» тамаша къалурна.

Фестивалдин жюриди чи актеррин алакьунриз еке къимет гана. Экспертри къейд авурвал, «Гельверан йиф» четин, кьетIен кIвалах я. Амма актерри чпин ролар устадвилелди тамамарна.

Тамашадин эхирдай Лезги театрдин коллективдив фестивалдин кубокни ва фестивалдин иштиракчидин диплом вахкана.

🤝Чна чи халкьдин рикI алай Лезги театрдин коллективдиз нубатдин агалкьун рикIин сидкьидай мубаракзава.

🗞И вакъиадикай гегьеншдиз «Лезги газетдин» 38-нумрадай кIелиз жеда.

190 0 0 7

Лезги Газет

8 Oct, 12:11

👏Мубаракрай!

И йикъара дзюдодой Бакуда кьиле физвай дуьньядин чемпионатда чи ватанэгьли, бинеяр КцIар райондай тир Омар Раджаблиди 3-чка кьуна.

Кишпирдин медаль патал кьиле фейи бягьсина ада Къазахстандай тир спортсмендин винел гъалибвал къачуна.

Гьа и чемпионатда кишпирдин медалдиз мад са лезги стха лайихлу хьана: Рашид Мамедалиев. Гьамни КцIар райондай я.

Ада 3-чка патал кьиле фейи бягьсина вич Бразилиядай тир спортсмендилай викIегь тирди тестикьарна.

🤝Чна лезги стхайриз агалкьунар мубаракзава.

211 0 1 15

Лезги Газет

8 Oct, 11:39

⚡️Украинада кьиле физвай махсус серенжемда Кьурагь райондин Гелхенрин хуьряй тир Тегьмез Шагьпазов телеф хьана.

Идакай Кьурагь райондин администрациядин ТГ-каналди хабар гузва.

Т.Шагьпазова 2025-йисан ноябрдилай гуьгьуьллудаказ СВО-да иштиракзавай. 114-нумрадин мотострелковый полкуна къуллугъзавай.

Запорожьедин областдин Пологовский райондин Левадное хуьр азад ийидайла кьиле фейи дяведин гьерекатра чи ватанэгьли кьегьалвилелди телеф хьана. Аскердин 19 йис тир.

🤝«Лезги газетдин» редакциядин коллективди лезгийрин шаир Сейфудин Шагьпазоваз – стхадин хва, «Дагъустан» РГВК-дин мухбир Лезгият Шагьпазовадиз играми стха Тегьмез телеф хьунихъ галаз алакъалу яз, дериндай хажалат чIугунивди, башсагълугъвал гузва.

197 0 1 13

Лезги Газет

8 Oct, 11:22

❗️Агьалийрин гьарайдиз гьай

Дагъустан Республикадин Кьилин везифаяр вахтуналди тамамарзавай Фёдор Щукина 6-октябрдиз инсанрин ихтиярар хуьнин рекьяй Россиядин Федерациядин Векил Яна Лантратовадихъ галаз гуьруьш кьиле тухвана. Абуру дагъустанвийрин ихтиярар хуьнин ва дяведин махсус серенжемдин иштиракчийриз куьмек гунин месэлаяр веревирдна.

Гьялай кар алай месэлайрикай сад агьалийрин арзайрихъ галаз алакъалуди тир. Яна Лантратовади Фёдор Щукинав арзайриз талукь яз туькIуьрнавай таблица вахкана ва абуру саналди федеральный ва региондин дережада аваз агьалийриз алава куьмек гунин месэлаяр тайинарна.

РФ-дин омбудсмендин гафаралди, алай йисан 8 вацра федеральный Векилханадин аппаратдиз Дагъустандай 500-далай виниз арзаяр атана. Абурун саки са пай дяведин махсус серенжемдин иштиракчийрин ва абурун хизанрин ихтиярар хуьниз талукь тир. Кар алайбурук сагъар хъувун, военно-врачебный комиссияр, талукь документар туькIуьрун, реабилитация ва аскеррин хизанар тайин чкайрал рекье тун ва ихьтин маса месэлаяр акатзавай.

Яна Лантратовади лагьайвал, Векилханадин аппарат РФ-дин оборонадин министерстводихъ галаз санал гел галачиз квахьайбур жагъурунин ва есирда гьатнавайбур дегишар хъувунин месэлайрал машгъул жезва.

🔗Амай пай - "Лезги газетдин" сайтда

191 0 0 2

Лезги Газет

8 Oct, 10:19

00:46

❗️Играми стхаярни вахар!

"Лезги диктант - 2026" гатIундалди 3 югъ ама.

РикIел хкин, гьар йисуз кьиле тухузвай лезги чIалаз талукьарнавай и мярекат цIи 11-октябрдиз нисинин сятдин 2-даз (14:00) Махачкъалада кьиле фида: тарихдин "Россия - моя история" паркуна.

Хайи чIалал рикI алай гьар са ватанэгьлидиз чна и мярекатдиз эверзава.

📱Къейд ийин хьи, диктант онлай-къайдадани кхьиз жеда: "Лезги газетдин" телеграм-каналда.

366 1 2 2 9

Лезги Газет

8 Oct, 08:34

01:06

Видео недоступно для предпросмотра

Смотреть в Telegram

Гутумрин хуьре. Ахцегь район

⭕️Видео: @dagestan_mountain_tourism

210 0 1 10

Лезги Газет

7 Oct, 18:08

РикIел гъун!

РикIериз ва крариз килигзава...

Гьадисда къейднава (мана):

“Гьакъикъатда, Аллагь килигзавач куь суьретриз ва девлетриз, Ам анжах куь рикIериз ва крариз килигзава”. (Муслим)

Таржума авурди - диндин алим Ямин гьажи Луткунви.

230 0 1 1 8

Лезги Газет

7 Oct, 14:47

✍️Лезги кроссворд

Суалар:

✔️Дуьз цIарара: 5. Чими уьлквейриз куьч жедай къуш 6. Гуьзлемиш тавунвай писвал. 9. Акьул авачирди, бати. 10. Агьед Агъаеван сифтегьан повесть. 12. Вахтуналди яшамиш жедай чка. 13. Металл цIурурайла ва я цIивин кайила амукьдай затI. 16. Чиле хьанвай дерин чухур. 17. Шаир Мурсал … . 18. Чуьлдин вагьши. 19. ВикIегьвал, гьадди. 24. Р. Гьамзатован «Зи Дагъустан» ктаб лезги чIалаз таржума авур писателдин тIвар. 25. ЧIуру хъач, эчIел. 26. Къабни кваз алцумзавай затIунин заланвал. 27. Лезги чIаларин халкьарикай сад. 29. Фаркь. 30. Дербент райондин хуьр.

✔️Тик цIарара: 1. Яд алачир чил, чка. 2. Эмиратрин агьали. 3. Пиянискадин рикI алай затI. 4. Жаза ганвайбур ракъурдай чка. 7. Шак. 8. Векь ягъун патал хуьзвай чка. 11. Яшайиш. 12. Гзаф акьуллу кас, арифдар. 14. Вилин кьекьем. 15. Чуру твадай алат. 20. Са квекай ятIани виликамаз гузвай хабар. 21. ВикIегь кас, къагьриман. 22. ТIвар-ван авай футболист Зинедин … 23. Лезги чIалан омонимрин гафаргандин авторрикай садан фамилия. 27. Къавурма гьазурдай къаб. 28. Метягьдиз эцигнавай къимет, мизан.

📍ТуькIуьрайди – Магьад Мегьдиев

232 0 1 4

Лезги Газет

7 Oct, 12:15

❗️Дагъустанда диндин месэлайриз талукьарна международный дережада аваз жегьилрин форум кьиле физва

https://t.me/agiprd/37628?single

Администрация Главы РД

🟨XIII Международный межрелигиозный молодежный форум в Дагестане объединил порядка 500 человек. В их числе молодежь, религиозные деятели, эксперты и общественники из российских регионов и зарубежных стран. Первый день посвятили обсуждению вопросов сохранения исторической памяти, гражданской идент...

215 0 0 4

Лезги Газет

7 Oct, 12:11

📚Чешнелу муаллим

Кьиблепатан Дагъустандин хуьрера чпин уьмуьр муаллимвилин баркаллу пешедиз бахшнавай, халкьдин арада еке кесер, гьуьрмет авай педагогар тIимил авач. Ахьтинбурукай сад мукьвара вичин 70 йисан юбилей къейдзавай Россиядин образованидин гьуьрметлу къуллугъчи Руслан Владимирович Тагъиев я.

Адан бинеяр СтIал Сулейманан райондин Курхуьрелай я. Хайи хуьруьн юкьван мектеб акьалтIарайдалай кьулухъ Руслан Тагъиева армиядин жергейра къуллугъна. Гуьгъуьнлай ДГУ-дин физикадин факультет акьалтIарна, ам Хасавюрт райондин са мектебда кIвалахал акъвазна. Са кьадар вахт арадай фейила, Р. Тагъиев СтIал Сулейманан райондин образованидин управленида методиствилин везифайрив эгечIна, хайи Курхуьруьн мектебда физикадинни информатикадин тарсар гана.

Адан яргъал йисарин гьакъисагъ зегьмет хкянавай пешедиз вафалу хьунин чешне яз къалуриз жеда. Муаллимдин пешеди дерин чирвилер, сабурлувал, руьгьдин захавал истемишзава. Муаллимди вичин сухтайриз дуьнья кьатIуз, чпин рехъ жагъуриз куьмекзава. Гьа ихьтин важиблу ва жавабдар кIвалахдиз Руслан Владимировича вичин вири уьмуьр бахшна.

Адан уьмуьрда хизанди кьетIен чка кьазва. Уьмуьрдин юлдашдихъ галаз санал абуру кьве рушни са гада уьмуьрдин шегьредал акъудна, абуруз образование къачудай мумкинвал гана. Къе гьар сада чпин пешейрай намуслувилелди кIвалахзава.

212 0 0 7

Лезги Газет

7 Oct, 10:33

00:29

✍️"Лезги диктант - 2026"

❗️Эгер куьне Простаквашинодай тир Федор халуди хьиз лезги чIалал хъсан кхьизватIа, квез Махачкъалада авай тарихдин "Россия - моя история" паркуниз атун теклифзава.

Ина 11-октябрдиз йикъан сятдин 2-даз "Лезги диктант" кьиле фида. Атана, иштиракна, диктант кхьена, квез дидедин чIал гьикI чизватIа килиг.

📱Къейд ийин хьи, диктантдилай гъейри и юкъуз ина маса мярекатарни кьиле фида. Абурукай гегьеншдиз и ссылкадай кIелиз жеда.

211 0 5 9

Показано 20 последних публикаций.

3 653

подписчиков

Статистика канала

Популярное в канале

✍️"ЛЕЗГИ ДИКТАНТ - 2026" Алай йисан 11-октярбдиз Махачкъалада, тарихдин «Россия - моя история» п...

❗️В редакции "Лезги газет" состоялся круглый стол, посвященный Дню единства народов Дагестана На...

❗️Дережа хкажна кIанда Садазни сир туш, алай вахтунда Дагъустандин чIалар хъсан гьалда ава лугьу...

❗️Играми стхаярни вахар! "Лезги диктант - 2026" гатIундалди 3 югъ ама. РикIел хкин, гьар йисуз ...

🏔Кьурагь райондин КIирийрин хуьре гатун вахтунда "Лекьрен муг" тIвар алай этнолагерь ахъайиз цIи ...