УУС АЛДАН | "Мүрү саһарҕата"

🍂 Кэптэнигэ "Олохпут көмүс күһүнэ" диэн сааһырбыт дьоҥҥо болҕомто уурар дьоро чааһы Бүөтүр Оҕотоойоп аатынан сынньалаҥ киинин дириэктэрэ Владимир Прядезников тыл этэн арыйда, салгыы тылы "Аал уот" бэтэрээннэр сүбэлэрин бэрэссэдээтэлэ Ульяна Бурнашеваҕа биэрдэ. Кини нэһилиэк бары тэрээһиннэригэр өрүү инники күөҥҥэ сылдьар, үүнэр көлүөнэҕэ тыыннаах холобур буолар бэтэрээннэргэ махтал истиҥ тылларын эттэ. Уус-уран салайааччы Варвара Фёдорова этэн-тыынан сынньалаҥ кэрэ киэһэтин сыалын-соругун билиһиннэрэн, ырыанан бэлэҕи Виталий Гоголевка биэрдэ.

Бырааһынньыкка киэргэнэн кэлбит ыалдьыттар өрүү тэрээһиннэргэ итии чэйинэн күндүлүүр кулууп үлэһитэ Августина Татаринова кутар үүттээх итии чэйдээх остуолун тула олорон оҕо саастарыгар түһэн оонньоон, күлсэн, таабырыннаһан бардылар. Өс хоһооннорун ситэрэн этиигэ Уйана бастаата, Валентина Бурнашева – иккис, Мотрёна Матвеева үһүс үрдэллэргэ үктэллэннилэр.

Оҕуруот астарынан күһүн бэлэмнэнэн ууруллар салааттарга Раиса Шахурдина аҕалбыт араас хаһаастара дьүүллүүр сүбэ хайҕалын ылан бастаан таҕыста. Иккискэ "Тэллэй" салаата ураты киэргэтиитинэн амтанныын минньигэһинэн Валентина Бурнашева, сүбүөкүлэ салааты оҥорбут Мотрёна Матвеева үһүс миэстэ буоллулар.

Салгыы айылҕа матырыйаалларынан күһүнү туойар панно күрэһигэр Валентина Бурнашева баай фантазиятын, айылҕалыын алтыһарын чахчылаахтык көрдөрөн инники күөҥҥэ таҕыста, сыл
ахсын көхтөөхтүк кыттар уран тарбахтаах Ульяна Белолюбская – иккис, Мария Алексеева сэбирдэхтэринэн олус табан кэрэ хотуну оҥорбут паннота үһүс миэстэлэри ыллылар.

Бу тэрээһиҥҥэ бары даҕаны тарбахтарыгар талааннарынан сөхтөрдүлэр. Ол курдук киис үтүлүгү тикпит Мария Григорьева бастыан бастаата. Анастасия Протопопова оҕуруонан оҥоһуктара – иккис, Мария Андросова симэхтэрэ үһүс үрдэллэргэ тахсан үөртүлэр.

Нэһилиэкпит спортивнай көҕүлээччитэ Пётр Перевалов дартс уонна түү мээчиги иһиккэ киллэрэр оонньуулары тэрийбитин спортсектор Надежда Лыткина ыытта. Икки көрүҥү холбоон очко таһааран, түмүккэ Татьяна Сысолятина тэҥнээҕин булбата. Кини кэнниттэн Валентина Бурнашева –иккис, Мария Новгородова үһүс миэстэлэри ыллылар. Өйү-санааны, болҕомтону бэрэбиэркэлиир араас викториналарга, эрчиллиилэргэ Ульяна Лугинова, Анна Лугинова, Мотрёна Матвеева о.д.а. ааттара ааттанна. Маргарита Попова саамай бастыҥ үҥкүүһүт буолан анал бириис тутта.

Түмүккэ үөрэн, дуоһуйа сынньанан, сынньалаҥ киин үлэһиттэригэр махтал тылларын эттилэр. Кыайыылаахтарга Николай Игнатьев куоракка киирии, Артур Сокорутов улуус киинигэр киирии-тахсыы айаны спонсордаан үөртүлэр. Бэл Арыйаан Колесов икки куһу бэлэх уунан сааһырбыттар махталларын ылла.

✍️ Ульяна Бурнашева, уопсас. кэрэсп.

📲Мах-каналбытыгар сурут
⬇️
https://max.ru/channel_ua_murusahargata

🌐https://мюрюгазета.рф/

✅ @uamurusahargata @ulusmedia

👩‍🏫 Учуутал үрдүк аата хайа да кэмҥэ, хайа да киһиэхэ биир тэҥник ытыктабыллаахтык, сүгүрүйэ, махтана ааттанар. Олох хаамыыта турбат – баран иһэр, ону кытары үөрэх эйгэтэ эмиэ саҥа таһымҥа тахсар. Оттон бүгүҥҥү күн сайдыылаах учуутала диэн кимий? Кинилэр үлэни, бэйэни сайыннарыыны уонна оҕо интэриэһин өрө тутан билиҥҥи үөрэххэ саҥалыы тыыны киллэрэргэ дьулуһар, сайдыы уотун саҕар көлүөнэ учууталларынан буолаллар.

Сиһилии Екатерина Захарова
⬇️
МЮРЮГАЗЕТА.РФ

📲 Мах-каналбытыгар сурут
⬇
https://max.ru/channel_ua_murusahargata

✅ @uamurusahargata @ulusmedia

#билиэнкөрүөнбаҕалаахтарга

📆 Алтынньы 11 күнэ

🌍 Кыргыттар норуоттар икки ардыларынааҕы күннэрэ

2011 сыллаахха ХНТ Генеральнай Ассамблеятынан олохтоммута. Кыргыттар олох араас эйгэтигэр, үөрэххэ тэҥ бырааптарын харыстыырга туһуланар күн

📲Мах-каналбытыгар сурут
⬇️
https://max.ru/channel_ua_murusahargata

🌐https://мюрюгазета.рф/

✅ @uamurusahargata @ulusmedia

📆 Алтынньы 11 күнэ. Өрөбүл күн

🌡️ Бүгүн сарсыарда 6 чааска Бороҕоҥҥо 6 кыраадыс тымныы буолбут. Күнүс 0 кыраадыс буолар.

💨 Арҕааттан сөкүүндэҕэ 3–4 м түргэннээхтик үрэр тыаллаах былыттаах, сөҥүүлээх күн.
‎
‎📸 Дария Ордахова. Мүрү
‎
‎📲Мах-каналбытыгар сурут
‎⬇️
‎https://max.ru/channel_ua_murusahargata
‎
‎🌐 https://мюрюгазета.рф/
‎
‎✅ @uamurusahargata @ulusmedia

Аҕам саастаахтар декадаларын түмүктүүр тэрээһин сэргэхтик ааста

В.В. Никифоров-Күлүмнүүр аатынан “Тойон Мүрү” култуура дыбарыаһыгар Мүрү нэһилиэгэр ыытыллыбыт аҕам саастаахтар декадаларын түмүктүүр “Мин сааһым – мин баайым” үөрүүлээх тэрээһинэ буолан ааста.

Мүрү нэһилиэгин баһылыга Прокопий Румянцев, улуус бэтэрээннэрин Сэбиэтин бэрэссэдээтэлэ Иван Колодезников, нэһилиэнньэ социальнай көмүскэлин биир кэлим киинин салайааччытын солбуйааччы Елена Кривошапкина уонна Мүрү нэһилиэгин бэтэрээннэрин Сэбиэтин бэрэссэдээтэлэ Мария Петухова эҕэрдэ тылларын тиэртилэр. Тэрээһин кэмигэр сыана үрдүттэн Мүрү нэһилиэгин дьаһалтата, Мүрү бэтэрээннэрин Сэбиэтэ, Мүрү нэһилиэгин оскуолалара, “Тойон Мүрү”, Мындааба култуураларын кииннэрэ, түмсүүлэр аҕам саастаахтарга анаммыт тэрээһиннэри, бырайыактары олоххо киллэрэр иһин сөбүлэҥ түһэристилэр.

Сиһилии Анатолий Кириллин суруйбутун манна ааҕыҥ ↩️

📲Мах-каналбытыгар сурут
⬇️
https://max.ru/channel_ua_murusahargata

🌐https://мюрюгазета.рф/

✅ @uamurusahargata @ulusmedia