Аһ-сав, герин кергслин тускар
Рюмка гихлә цөгц/ чирк гиҗ келгдәд бәәһәд бәәсн кезәнәс авн. Җаңһрт чигн йовна.
Хоңһр арнзлан дааһнд, бийән бичкн тарха көвүнд хүврәһәд хәрин хаана өргәд ирәд, Җаңһр дуулхла, энүнд цөгцд әрк кеҗ өгцхәнә.
Хүүвң гихлә, Җаңһрт бас мел харһна. Һар деерән хүүвңгәр ус кеелдһцхәнә.
Буһш йирин бичкн цө (чугун) хәәс тиигҗ нерәддг бәәҗ. Эн чолун сав бас буһш болхгов.
Тевш юнгад гихлә, кезәнә тевш утулң модн сав бәәсмҗ. Ода иим сав бас иигҗ нерәдхгов. (Противень)
Җииҗән Эрднь Байрин тольд – противень тава гиҗәнә.
Зуг тевш – бәәдләрн ирлцҗәнәлм. Тиигчкәд, маднд ода тиим сав угалм (модн утулң сав)
Домбин туск келгдлә.
Тосхур Муниевын тольд эн үг бәәнә. Боладчн бәәхм. Ирлцҗәнә.
Зеркало – толь/нүрздг. Мана келнд нам биш хойр уг бәәнә. Толь чигн гинә, нүрздгчн гинә. Көглтин Даван шүлгүдд «нүрздг» гиҗ уг харһна.
Әмтн келндән орхларн, хойр үг йилһрәд одх. Юн толь болхинь, юн нүрздг болхинь. Җунз/һундһ хойр бас, алькнь һундһ болнү, алькнь җунз болну. (Җииҗән Э-Б толяс). Экләд келв, медгдәд бәәх 😊.
Тумбочка – тәвүр. Җииҗән Э-Б тольд эн үг бәәнә. Юм-күм тәвдг юмн, тәвүр боллго.
Шумр – эн бәәсн юмн. Кезәнә харңһурхла, ишкә гертән герл орулдг бәәсн юмн, эсий. Тиигәд, савд тос кеһәд, һол тәвәд шатадг бәәҗ. Терүгән шумр гиҗ нерәддг бәәсмн. Тернь ода цага иим шумр болхгов.
Герлвч – герт герл орулдг юмн; нернь ирлцҗәнә.
Кезәңк чолун беш ода төмр беш болад бәәхгов.
Духовка гихлә, кезәнә хальмг һуйран цогд тәвәд болһдг бәәсн биләлм. Цог гисн, падрҗах һал уга, халун үмснлм. Туушлҗ духовка гидгнь – цог болхгов.