Ирләре сугыш кырында ятып калган тол хатыннар «нужа» арбасының икеләтә авырын тарттылар, әмма аларга вакытында тиешле ярдәм түгел, бер авыз җылы сүз әйтүче дә булмады.
Сугыштан исән кайткан ветераннарга соң булса да шартлар тудырдылар, льготалары булды, машиналар бирделәр, фатирлар алдылар. Әтиле балалар яхшы яшәделәр, ә әтиләре сугыш кырында ятып калганнарның язмышлары ничек булса, шулай кала бирде. Ялгыз әниләр, чын сугыш толлары, балаларының язмышларын үзгәртә алмадылар. Әтиләре сугыш кырында калган балаларга дәүләт тарафыннан берәр яхшы якка үзгәреш булыр дип ышанасы килә. Алар да бит хәзер 70 яшьтән өстә.
Хезмәт ветераны Фәнис МӨХӘММӘТШИН.
Ютазы районы, Каразирек авылы
https://beznen.ru/archive/yaraly-yazmyshlar/130414/sugysh-chorynda-kurgn-mikhntlr