የደብረ ብርሃን ከተማ ሞተረኞች የስምሪት መመሪያ እንዲያከብሩ ማሳሰቢያ ተሰጠ

​ደብረ ብርሃን — በደብረ ብርሃን ከተማ አስተዳደር ከስምሪት አግባብ ውጭ የሚንቀሳቀሱ የሞተር ሳይክል አሽከርካሪዎች ህጋዊ ተጠያቂነት እንደሚያስከትልባቸው የከተማው ትራንስፖርትና ሎጂስቲክስ መምሪያ በጥብቅ አሳሰበ።

​መምሪያው ባወጣው ማስጠንቀቂያ እንደገለጸው፣ ከመስከረም 1 ቀን 2019 ዓ.ም ጀምሮ በከተማው ውስጥ ለሚንቀሳቀሱ የሞተር ሳይክል አሽከርካሪዎች የስምሪት ፈቃድ መሰጠት ጀምሯል።

​በዚህም መሠረት አሽከርካሪዎች እንቅስቃሴ ማድረግ የሚችሉት ለግል፣ ለመንግሥት እና መንግሥታዊ ላልሆኑ ተቋማት ተብለው በተዘጋጁ ሦስት ዓይነት የተለያየ ቀለም ያላቸው፣ መለያ QR ኮድ የታተመባቸው አንጸባራቂ አልባሳትን ለብሰው ሲገኙ ብቻ እንደሆነ ተገልጿል።

​ከዚህ አሰራር ውጭ የሚንቀሳቀሱ አሽከርካሪዎች ከህገወጥ እንቅስቃሴ እንዲቆጠቡ ያሳሰበው መምሪያው፣ መመሪያውን በመተላለፍ በሚንቀሳቀሱት ላይ ህጋዊ እርምጃ እንደሚወሰድ አሳስቧል።

​እስከ አሁን የስምሪት ፈቃድ ያልወሰዱ የሞተር ሳይክል አሽከርካሪዎችም ከደብረ ብርሃን ከተማ አስተዳደር ትራንስፖርትና ሎጂስቲክስ መምሪያ በአካል በመቅረብ ፈቃዳቸውን መውሰድ እንደሚችሉ ተመልክቷል።

​👉 የደብረ ብርሃን ከተማ አስተዳደር ትራንስፖርትና ሎጂስቲክስ መምሪያ

https://t.me/AWHSC12
https://t.me/AWHSC12