Альтернатив клиентлар: Telegram’га имин алмаш бармы?

Бу атнада Telegram тулысынча диярлек блокланды: мессенджер начар эшли, видео һәм фотолар авыр йөкләнә, кайчак хәтта гади текст хәбәрләре дә җибәрелми.

Шушы шартларда Telegram өчен альтернатив клиентлар пәйда булды. Белгечләр Android өчен иң популяр берничә клиентны тикшереп, аларның барысы да куллану өчен куркыныч булырга мөмкин дигән нәтиҗәгә килгән:

▪️Telega
▪️Plus Messenger
▪️Nekogram
▪️Graph Messenger
▪️iMe
▪️F-Droid (Forkgram, Mercurygram)
▪️Telegram X

Тикшерелгән клиентның өчесе — Telega, Graph Messenger һәм iMe — мәгълүматларны Рәсәйдәге серверларга җибәрә. Ә бу исә канун нигезендә әлеге мәгълүматка көч структуралары каршылыксыз керә, сезнең язышуны күрә ала дигән сүз.

Иң куркыныч кушымта — Telega. Ул яшерен рәвештә Telegram серверларын Казанда урнашкан үз серверларына алыштыра. Барлык MTProto-трафик Рәсәй проксилары аша уза. Бу теоретик куркыныч кына түгел — серверлар алышынуы HTTPS трафигын һәм pcap файлларын дешифрлау аша расланган. Һәм кайбер таныш айти-тусовка әгъзаларының аны рекламалавы бик кызганыч. Һәм дә татар программистларының бу адымга баруы өчен оят.

Тикшеренү турында тулырак монда укырга мөмкин (vpn кирәк булырга мөмкин): https://rks.global/ru/research/alt-telegram-clients/