Милли мессенджер MAКС шпион кушымта дип танылды. Мондый билгене аңа Cloudflare бирде.

Cloudflare — ул дөньядагы иң зур һәм авторитетлы интернет-инфраструктура компанияләренең берсе: ул сайтларны һәм сервисларны саклау, тизләтү, шулай ук трафикны анализлау белән шөгыльләнә. Аның системалары кайвакыт шикле яки куркыныч активлыкны ачыклап, ресурсларга төрле куркынычлык билгеләре куя ала.

Элегрәк шундый ук “шпион” билгесе Казанда эшләнгән рәсми булмаган Telega клиентына да куелган иде — шуннан соң аны App Store кушымталар кибетеннән бетерделәр.